رد: مقال ممنوع من النشر !! ( أبيض وأسود )
منجد
كلمة رائـــــــــــــع قليلة عليه
أهني الكاتبة على ماخطته اناملها الأكثر من مبدعة
واقــع حقيقي لا تزال كثيــــــــــــــــــــــــــــر من النســـــاء عايشين فيه
وكفاية ندفن راسنا بالرمل
ازا بابتي وبابتك بيعاملوا البنات كويس
في مليون أب وأب إلى يومك هدا مستعدين يقتلوا بناتهم بيداتهم
في أباء الى يومك دا يتزوجوا وحدة تانية لمجرد انو زوجته ما تجيب غير البنات
مو داري او بالاحرى متناسي انو منو السبب مو منها
انو هوا الي بيحدد جنس الجنين مو زوجتو
إلى يومك دا
وفي ابهات ليومك دا بيتعرضوا بناتهم للاغتصاب وما يرضى حتى يروح يشتكي عشان الفضيحة وبدل كدا يدفن راسو وراس بنتو بالرمل
في أبهات ليومك دا يقتل بنتو عشان اغتصبت
في أبهات ليومك دا يختار هوا زوج بنتو
في أبهات ليومك دا يمنع بنتو من الشوفة الشرعية
في أبهات ليومك دا ينتقم من زوجته المطلقة بأولادهم
يضرب ويجلد ويحبس ويمنع عنهم الاكل والشراب بكل قسوة لدرجة الموت
وحط تحت الموت الف خط وخط
وعندنا غصون وأريج وغيرهم كتييييير اكبر دليل على كدا
زي ماعندنا جزء من النساء معززين مكرمين ومدللين
في اجــــــــــــــزاء من نساء مجتمعين لساتهم تحت خط الجهل والذل والهوان على أيدي ذكور
وبعد كدا نتسائل
ايش ناقصكم يا بنات بلدنا؟؟
شوفوا كيف العالم حاسدينكم عالنعمة اللي انتو فيها
ياحبايبي المغربيات والمصريات والشاميات واليمينيات يتزوجوا مننا عشان سودا عيونا؟
مفكرين كل واحد فينا نايم على بير بترول
مفكرين انهم بس يتزوجوا حيلاقوا نفسهم عايشين زي المسلسلات الخليجية في فلل وقصور تجري فيها خيول مو بس خيل واحد
مفكرين حيلبسوا الدهب والألماس من راسهم لرجولهم عشان اتزوجوا سعودي ولا خليجي
وبس يجوا على هنا ينصدموا بالواقع
اللي برا مو عارفين ايش في بمجتمعنا
شافين الظاهر وبس
شايفين المسلسلات ومفكرين كل اهل الخليج عايشين كدا
خلونا نفوق ياجماعة ونشوف مشاكل مجتمعنا
خلونا نشوف مشاكل النساء والاطفال فمجتمعنا
عشان دول هما مستقبلنا ومستقبل مجتمعنا
يسلمووو عالموضع الاكتر من حلو
|