السلام عليكم ورحمة الله وبركاته
بالنسبه لموضوع التخصصات اولا يعتمد على المعدل في اول سنه . فإذا تبغى تريح راسك وتخش التخصص اللي نفسك فيه شد حيلك في اول سنه بالذات وجب معدل مسكت . ثاني شي من ناحية المستقبل ما احد يعلم الغيب لاكن اهم شي تخش التخصص اللي ترغبه انت . يعني مثلا اذا كنت تحب الكهرباء وعندك قدره على التخيل والتعامل مع اشياء غير محسوسه ( شحنات . ومجال مغناطيسي . ومجال كهربائي . الخ ) . خش كهرباء ( يبغى لك معدل جامد طبعا ) . اذا كنت تحب الرسم ( الرسم الهندسي طبعا ) وما تبغى تتعب راسك في التخيل وتصير تتعامل مع اشياء واضحه قدامك ( تروس . وزنبركات . وكتل . وغيره ) خش ميكانيكيه. والمدنيه تقريبا قريبه منها في طبيعة الاشياء اللي تتعامل معها ( كباري . انفاق . عماير ) . اذا كانت لغتك الانجليزيه جامده وعندك قدره على الحفظ خش صناعيه . اما بالنسبه للصعوبه ما تقدر تحكم . يعني هي راجعه لطبيعة الشخص . يعني انا مثلا تخصصي كهربائيه واشوف ان الميكانيكه اصعب من الكهربائيه لاني ما اطيق شي اسمه رسم هندسي . لاكن في زملاء لي في الميكانيكه لو تقتلهم ما يخشون كهربائيه ويقولون ما نطيق شي فيه تخيل نبغى شي محسوس قدامنا . فهذا شي راجع لرغبتك وميولك . اهم شي في نضري لمن يجي الطالب يتخصص انه يعرف امكانياته بالضبط وما يضحك على نفسه ويختار تخصص ماهو قده عشان يقولوا والله فلان دافور . لانه اكيد راح يتعب ويمكن يقعد بها سبع او ثمان سنوات في الهندسه واخرتها يتخرج بمعدل طايح . واخيرا لا تفكر انك بترتاح في كلية الهندسه . الكلية جامده ويبغى لها دراسه جامده بالذات في الفتره الاخيره ( بعد اعتمادها من لجنة ابت ) يعني اذا مافيك حيل للدراسه شف لك كليه ثانيه اسهل . واهم المواد في كلية الهندسه كلها وفي جميع التخصصات الرياضيات والانجليزي . يعني اذا كنت ضعيف في وحده من الثنتين هذي معناها راح تتعب في الهندسه في اي تخصص كان . اتمنى اكون افدتك وتحياااااااااااتي لكم .
|