التعليم الجــامعي بالتأكيد مو كفاية
الواحد لازم يطور نفسو بنفسو ولا كنا كولنا اتساوينا
لازم ينزل على العمل ويشوف كيف العمل في الميدان غير الورق اللي كان يدرسها
حتى لو بدون راتب
ويب يا ست نورث لازم نخاطر ونجرب
_______________
السؤال التاني دا سؤال محير
يمكن حرص من أهلنا علينا
مع إنو حرص زايد
وفي كتير بيدوروا بنفسهم على الحقيقة لكن اكيد احنا محتاجين تجارب الناس الل قبلنا
مو معقولة برضو فكل مرة نبدأ من الصفر
لازم نشوف اللي قبلنا ايش عملوا وكيف عملوا وليه عملوا كدا؟
______________
النظرة الاتكالية تعتمد على شخصية الشاب والفتاة نفسهم
يعني في ناس من النوع اللي يحاول ينجز ويترك بصمة بعد وفاتو
وفي ناس تبغى يعيش عادي ويموت عادي
فهي تختلف درجاتها من شخص لاخر
______________
اين روح الفضول فينا نحن البشر
اين البحث اين تطوير الذات وتطوير الخبرات؟؟
|
اممممممم
شوفي بالنسبة لجيلنا
احنا ملزمين ندور على الخبرة وعلى الدورات والشهادات ونطور نفسنا
ولا حيكون مصيرنا تعليق شهادة البكالريوس في البيت
خصوصا لجيلنا لازم نطور من نفسنا عشان نعيش
كل شي في جيلنا مغاير لجيل السنوات السابقة
وكلمة الحق تنقال
طلاب وطالبات دفعتي 09 اتحملوا كتيييييير
صدمات متتالية وقفوا فوجهها
قرارات مفاجئة ورا بعض كل واحد يصدمنا اكتر من التاني
اتحملنـــــــــا كتييييييير وصبرنا كتيييييييير
واكيد اكيد دا قوى من شخصيتنا وعلمنا كتـــــــــير
وحنكون دفعة غير بإزن الله والأيام تثبت
وأهني كل اللي تخصصوا بالكليات الطبية والهندسة
منجد تعبتوا مرة كتير وتستاهلوا وحتكونوا مصدر ثقتنا وليكم بصمة ما راح تتنسي بازن الله
وعقبـــال ما نفرح بالباقي فرمضان يااارب وكلنا ثقة فيكم انو حتكونوا غــــــــــــير