ايه الفيلم الهندي اللي هنا ياهو؟؟؟
اولا السلام عليكم ورحمة الله وبركاته
يامنكوشة بما انو اسمك زي اسم صديقتي الصدوقة واختي الجميلة ومشرفتنا السابقة بنت منكوشة
اولا احييكي على اسمك الجميل تانيا على طرحك الاجمل
واللهي محد حس بالوضع دا زي شلتنا شلة الانس الجميلة
احكيكم حكاية من زمانات 2006-2003
امكن كنا اول تكتل بنات ازا صح التعبير في المنتدى دا كنا زغار 17 سنة بالفعل زغار على عالم المنتديات ممكن المنتدى الوحيد اللي اجزم اللي مسجلين فيه الى الان لسبب بسيط جدا......ابدا ماعمرنا كان اهتمامتنا في النت صوب الاتجاه دا ودا ابدا ابدا مو تهجم عليه ولا انتقاده ولا شي بالعكس جدا اللهم مجرد عدم انتباه ليه فقط لا غير
لكن دخلنا وجربنا وبالفعل كان شي غريب في حينها بما انو كنا ممكن لسه طريي العود( والله متعوب عليها الكلمة دي) بس سلامة النية سبقت كل شي دخلنا ومن جد كان what you see is what you get وزي ماكلكم حاسيين الان انها اجمل سنيين عمركم قضيتوا في المنتدى ا, كمان احنا جات فترة المنتدى دا شي لا يتجزأ من حياتنا اليومية واعضاؤه يشاركونا الكثير الكثير واللي يصير فيه ياخد حيز كبير من نقاشاتنا وكلامنا في البيت وفي الجامعة....الوضوع حبي واخوي وجميل
وناس تقول مين نيمو وليش تسوق ال ه يا م ة (لسه حاقدة جمل ياالطيف
) وكلام اتقال وربي لواتقال على اي احد تاني كان قلب الدنيا ولم يقعدها>>>>>دخيل اهلك بطلي عربي
بس عادي جدا خلاص ايش بدك تسوي مشي حالك وواثق الخطى يمشي ملكا على قول الست فيروز
>>>>>>>>>> اشياء زي كدا اللي كانت تودينا في داهية ولا ن ت و ب
anyhowwwwwwwwwwww
الخلاصة انو ارضاء الناس غاية لا تدرك وانو لايمكن بل ومن المستحيل بمكان
ان يتغيروا ناس ازا مايبوا يتغيروا.....ولا عمرها كانت دي مهمتنا في الحياة انو نغير الناس.....فقط التعايش ولا غير>>>>>>>سفيرة نوايا حسنة على سن ورمح
فاللي يفكر بطريقة سيئة الله يهديه لجادة الصواب واللي عرف قيمة نفسو صح وماشي عدل العدل الله يتممو على ماهو عليه واللي يبى يستهبل ويستعبط ويخف دمو على حساب الغير للصبح ان شاء الله ماراح تفرق معاكي دام انتي بتحاول اتقاء الخطر ماستطعتي
زي ماقلت في البداية مهو واجبنا تغييرهم قد مهو واجبنا نفضل زي مااحنا ونحاول لدفاع باستماتة لما حق لنا الا وهو.... الفلة والاخوة والفرح والمرح وكل حاقة واي حاقة
ورحم الله اياما كانت هي الانقى
تحياتي للجيل الاول في دا المنتدى
اليكم كل التحية وكل التقدير
ولا انسى الجيل الجديد الجميل الزريف.....بارك الله فيكم والى الامام
حاسة نفسي وحدة بعكازة وكم سنة يالطيف
يلا في وداعة الرحمن
ومرة تانية رجعولي صورتي وتوقيعي بالاخلاق
