[:. مآء السمآء .:]

السلام عليكم ورحمة الله وبركاته

روح كتبتي كلام كثييييير وحلو وكمان نيموو

وياجماعه الموضوع اللي صار لشهد في منتدى ثاني انه مجموعه من الشباب اللي هما معاهم في المنتدى بيمزحوا ويضحكوا صاروا بيتكلموا عنهم انهم قليلات ادب وفيهم ويخطيهم وبالصدفه وحده من البنات كان قريبها قاعده مع الشباب وصلها الهرجه وكمان اكيد هو كان موقفه وحش بينهم


انا مااعتقد انه ممكن وحده فيكم هنا صار لها ذا الشيء هنا بمنتدانا هذا لانه بصراحه انا اشوف ان كل الشباب اللي هنا طيوبين وحلوين واحلى اخوان

ويابنات فرقوا بين اللي تقصده شهد وبين اللي انتم تتكلموا عنه من دق بالكلام في المواضيع ومزح والخ..


وكمان انا لاحظت انكم يابنوتات حساسين شويه من مزح الاولاد

لازم تفهموا انه هما كذا مزحهم ثقيل بطيبعتهم

يعني لما واحد في قسم الوناسه يعمل فيكم مقلب بلاش تتحسسوا وتزعلوا وتعملوها قضيه وزعل لالا مش كذا ابدا

انت انبسطي ع المقلب وفكري كيف ترديله شي اكبر منه وهكذا وهي ذي حلاوه قسم الوناسه يعني

يعني باختصار الحساسه زياده وماتحب احد يمزح معاها بثقاله لا تحتك فيهم

شكله البنات الحين بيقلبوا علي انا ويزعلوا مني عشان جالسه ادافع عن الاولاد لاني بصراحه معتبرتهم اخواني وما بسمحلكم ترموا عليهم كلام كذا

واللي عندها شي وصار لها موقف او وصلها كلام عن واحد من الاعضاء انه تكلم عليها بكلام غلط تقول مين وايش الهرجه اللي وصلتها يمكن يكون نقل كلام من احد كذاب او سوء فهم بلاش تخلي كل واحد يشك بالثاني وتزرعوا عدم الثقه بيننا

معليش يامبدع كنت راح اكتب كلمتين بس مابطول بس الموضوع يحتاج

سي يوو