[بنت من الجامعه]

يا جماعه هدوو شويه
أنا اشوف انو بما إننا دفعه تجااااااارب
وأول مررة يطبقو النظام علينا عشان كده كان متعب وحالتو حاااله
وفجأأه يطلعو قرارات في نص الترم
ولخبطه مرررة
ووصراااحه ظلممم مررة خاااصه للبنات اللي كانو ادبي في الثانوي
إيش ذنبهم يدخلو إداري ياخدو مواد فيها رياضيات وحساب
ووالله مهييي سهله
وكمان إيش ذنب بناات كانو علمي وعشان المعدل نززل شويه ما يدخلو تخصص علمي !!!!
انا كان معدلي 82 تقريبا وما انقبلت علمي
إن شاءء الله لو اتطبق هدا النظام على السنوات الجيه يكون احسن ومنظم اكتر
وبعدين احنا دارسين سنتين علمي بالثانوي واخدنا قدرات وتحصيلييي خسف بينا الارض كل دا ما بيحدد مستوانا ؟؟!!!!
السنه التحضيريه علمي يعيدو نفس الكلااااام اللي اخدناه ايام الثانوي بس بالانجلييزيي
يسير ايش الفايده في كده ؟؟!!! وفين تحديد المستوى في كده ؟؟؟
آآآآخ تعبت من الهرج الله يوفقنا بس واللي ما دخل التخصص اللي نفسو فيه الله يعوضو
مع انو ممكن كان ناس كتييير تدخل تخصصات نفسهم فيها ويبدعووو في التخصص
هدا الشي اللي منزلنا ....انو مو كل واحد يدخل شي كان حاط بالو منو ويبغاه وممكن يبدع فيه
ويطلع منو شي كبييير
لكن بندخل اشياء ما نبغاها وبس نمشي حالنا انو ننجح ونلاقي اي وظيفه وخلاص
من غير ما نستمتع ونحب الشي اللي نسويه
أسفه ع الاطاله بس من الحرقه لانو انا كااان نفسي في شي مررررة بس للأسف ما سار نصيييب
بالتوفيييق