حبيبتي أنا كنت تأهيلي العام الماضي .. أنا في رأيي ومثل ماقالوا البنات تشوف التخصص اللي تبغاه ..
إذا كان موجود في الكلية تسجل في الكلية .. وإذا مو موجوود تسجل تأهيلي أحسن .. التأهيلي نفس الإنتظام
والإنتقالي .. بس الفرق أنه أول سنة مافي مكافأة .. الدوام يبدأ من 12الظهر إلى 7 المغرب كحد أقصى
العام كنا نداوم من 12 إلى 4 أو 5 .. وأحيانا إذا لقينا قاعات فاضية النهار نقدم محاضراتنا طبعا بالتنسيق
مع الدكتورة .. ومن ناحية الضغط .. كان ضغط عادي ومتوقع لأننا ناخذ محاضرات ورى بعض مع
بريك 10 دقايق وأحيانا يكون نص ساعة .. لأنه مافي وقت وراح تلاقي نفسها تبغى تخلص بسرعة
عشان تطلع البيت .. بس بماإنها في جامعة لاتتوقع انه راح يكون مثل المدرسة .. يعني لازم تتحمل التعب
ومافي شي يجي بالراحة.. ومواعيد الإختبارات والأسئلة موحدة بين الجميييييييييع .. يعني مافي فرق ..
بس لازم يكون في تواصل بين التأهيلي والإنتظام .. عشان السكاشن والمحاضرات الإضافية للي يبغى ..
نسيت أقول انه نسبة القبول في التخصصات متساوية للجميع .. اللي معدله أعلى في السنة التحضيرية راح
يدخل وهكذا .. يعني مافي تفريق ..بس لازم تشد حيلها لأنها عشان تحول انتظام لازم تجيب معدل معين
بس والله ماأدري كم يعني مرة قالوا 3.75 ومرة قالوا 3 بس صراحة أنا ماني متأكدة
والله يسهل لها الخير حيثما كان