[titooo]

بسم الله الرحمن الرحيم

طبعن زي محنا عارفين انو الطلاب بيطلعو من التنويا مييح في الانقلش
و شفت بعض الطلاب اللى يقلك ادخل دورة و اللى يقلك مدري ايش
شوفو انا دخلت دورة و بصراحة ما استفدت شي ليش ؟؟؟؟
عشان ما بحفض كلمات يعني بدخل الدورة و اخرج منها ولا با اسوي ولا شي و دا ما ينفع
و لقيت انو الحل في الكلمات لو حافض كلمات تقدر تمشي في اللغة و تقدر تجيب جمل اما لو ما عندك كلمات كفاية محا تستفيد من القرامر اللى بتاخدو عشان اصلن محا تقدر تركب جمل

فا انا جايبلكم طريقة لحفض الكلمات حلوة و اللى عندو طرقة خاصة بي براحتو
طبعن انو تحفض كل يوم هدا شي يعتبر مستحيل يعني لازم يكون عندك يوم اجازة انتا صح ممكن تقول انا ححفض كل يوم وحبدا وكدا بس حتلاقي نفسك بعد اسبوعين بطلت من كل شي

فا انتا احفض 4 ايام في الاسبوع احفض 5 كلمات و يوم خلي مراجعة و يومين اجازة
والله دي الطرقة ناس جربوها وقالولي مرا مزبوطة

طبعن اللى يبغى الكلمات يكتب في قوقل كلمات انقلش < عشان مني عارف انزلكم هيا >

و في كمان حاجة مرا مزبوطة و برضو موجودي في قوقل اللى هيا محادثات بي الانقلش بدال ما تسمع اغاني شغلها و مو لازم تركز معاها شغلها و اقعد ع المسن و الله مرا مزبوطة و كمان الافلام اللى مو مترجمة
انتا في البداية حتقول ما استفدت من المحادثات و الافلام بس بعد فترة حتبان الاستفادة

و في النهايه الله يوفقني و يوفقكم و انا إن شاء الله حبدا من يوم السبت

و بي التوفيق