السـلام عليكم
انا هالايام افكر اقدم على ماجستير والله يوفقني يارب واياكم
بس عندي استفسارات كثيره ياليت تتحملوني
أولا : انا خريجه 1425-26 هـ و من ضمن شروط الماستر تزكيه من اساتذه سبق ودرسوني
طيب انا دكاتره كلهم رجعوا بلادهم مابقى احد منهم بكليتي اللي تخرجت منها
الحل كيف ؟؟
ثانيا : انا تقديري جيدجدا نسبتي 80% حملت مواد من مستوى اول بس والا باقي المستويات
نجحت ولله الحمد هل يقبلوني ؟
ثالثا : سمعت مسميات كثيره ماجستير وماجستير موازي وماجستير مدفوع وش الفرق بينهم ؟
رابعا : من ضمن الشروط بعد تكون مواد التخصص على الاقل تقديري جيدجدا
طيب انا ماده وحده من اربع خذت فيها جيد جدا البقيه جيد لان الدكتوره المصريه كانت مستقعده لنا
والا قسم بالله كنت حاله ومتوقعه ممتاز بموادها
( كانت تعطينا 3 مواد تخصص )
خامسا : الماستر هل ينفع ادرسه انتساب والا لازم حضور ؟ وكيف تفاصيل الدراسه
يعني عدد الاترام والمواد وهالاشياء ؟
وآخر سؤال الماجستير المدفوع رسومه كبيره مره مافيه دسكاوند
لا الجد اقصد سمعت انه صار مجاني او شي مثل كذا صح والا ؟؟
بالنهايه ادري طولت كثير بس عاد تحملوني
الله يوفقكم ردوا عاد لاتنطشوني :(