يعطيكي العآفية على الإفادة
ولو تفتكري اسئلة أكتر يآليت تكتبيها
وسؤآل كمان
كم سؤال الإختبار .؟
وايش أكتر شيئ لازم نركز عليه لأنو اختباري بكرة وابا اعرف كيف طريقة الإختبار
|
الله يعافيك أخي
الاختبار 30 سؤال
بصراحه هو تقريبا مافيه شيء ماجاء عنه سؤال بس كانت الاسئلة سهلة
يعني لما تجي تذاكر فرق بين البيانات الكمية والنوعية وبين نوعي البيانات الكمية منفصلة ومتصلة هذه جات على شكل أمثلة مش تعاريف
وتشوف تعاريف العينة والمجتمع هذه كمان
وكمان أساليب المسح وأنواع المسح بالعينة ركز فيهم لأنه يجي مثال زي اللي كتبته فوق لأنه تحس انهم يلخبطوا
أما الأسئلة الباقية
كان مثلا يجي جدول وفيه بيانات يطلب منك طول الفئة وكمان تكرار فئة هو يحددها لك مثلا يقول لك الفئة الثالثة على كم مفردة تحتوي ويطلب بعدين تكرار نسبي لفئة معينة
جاء كمان رسم قطاع دائري كان المثال عن فصائل الدم لخمسين مريض ويقول لك ايش أقل فصيلة أنت تشوف القطاع وتشوف ايش اقل تكرار موجود في الرسمه أو إذا جات نسب تشوف وهكذا وكمان طلب زاوية قطاع لفصيلة الدم من اللي موجودة في الرسم
فيه كمان أسئلة عن الوسط الحسابي يجيب لك بيانات ويطلب الوسط وكمان الوسيط جاء عنه سؤال بنفس الطريقة
وكمان جاء عن الوسيط تعريفه
كمان جاء سؤال عن التباين في درجة الحرارة في فصل الصيف لمدينة جدة مثلا 11 وفصل الشتاء التباين 8
الاختيارات يقول لك
التباين في فصل الشتاء أكثر تشتت من فصل الصيف
التباين في فصل الشتاء أقل تشتت من فصل الصيف( هذا الجواب الصحيح لأنه كلما ماكانت قيمة التباين أكبر يكون التشتت أكثر )
طبعا الاختيارات تكون 4 خيارات بس هذا اللي اقدر اتذكره
وفيه سؤال كان رسم بياني للمدرج التكراري والسؤال كان عن ايش نوع الرسم البياني اعمدة أو مضلع أو منحني أو مدرج فرق بينهم
أخي حاولت اكتب كل شيء يارب يكون كلامي مفيد بس لما تذاكر لاتترك ولا جزئية لأن كل شيء يجي عنه سؤال على الأقل مافيه شيء ماركزوا عليه لأن الجزئية تعتبر قليلة والله يوفقك يارب
واي سؤال ثاني أنا في الخدمة