الموضوع
:
DadDy's G!rL
عرض مشاركة واحدة
منتديات طلاب وطالبات جامعة الملك عبد العزيز
منتديات طلاب وطالبات جامعة الملك عبد العزيز
20-12-2011, 08:06 PM
#
19
coOola
... I'm a ROPOT ...
تاريخ التسجيل
: Dec 2009
التخصص
: Minds Player
نوع الدراسة
: إنتظام
المستوى
: السابع
الجنس
: أنثى
المشاركات
: 2,971
رد: DadDy's G!rL
~> مسسسآحة تعبير ..
.
.
ما يدبل كبدك في هـ العالم غير الجبناء ..
يعني يجيك واحد .. يهايط على راسسسك يهايط على راسسك يهايط على راسسسك ..
أنت عاد ما تعرف هـ الشخص و لا عاشرته فـ ما تعرف الصدق وشو و الكذب وشو
و يا زينها يوم يكون قلبك دليلك و يجيك إحساس أقرب ما يكون " Ping!!!" من قلبك يقول لك ترى هـ الكائن غير الحي اللي قدامك ما عنده إلا الـ { الخرطي ) !!
بس الواحد لازم يتأكد و ما يمشي بـ أحاسسيسه ..
و تجي اللحظة المناسبة اللي تختبر فيها هـ الشخص ..
و تكونون قاعدين في نفس المكان
و تبدأ أنت بـ أسلوب استفزازي و تهايط على الخلق ..
أخوياك عاد يعرفون إن هذا اختبار للـ " New Member " اللي قاعد حولكم .. فـ ساكتين و يحترون ردة فعله ..
بس ما حححولك أحد .. الكائن غير الحي اللي قاعد فيذا موب حولكم ..
عاد هنا تجيك أنواع الشككوك ..
- هل البني آدم ذا هاجد لـ أنه موب فاهم عليك ؟؟!
* لا وين موب فاهم و الله لو إني أكلم جدار كان طاحت منه بلكة على راسسي انتقاما لـ كرامته المهدورة
- أجل اسسمح لي بدأ شغل الخجل و الحيا و الذرابة !!
* يرحم أهلك يا ضميري أي ذرابة أنت ما تعرف إنه آدمي وجهه و قفاه واحد =/ .. ولو سووا لك فيها معصب و أخلاق تجارية قال لك أنا أمي و هي أمي يوم أعصب ما أعرفها <~ تف عليك و على وجهك و على اللي معطيك وجه و قاعد يكلمك تدري إنك تتكلم عن أمك و لا ما تدري يا قليل الخاتمة ~> هدي يا قلبي ما يسسوى ~> فكيني عليه هـ الخايس خل أعلمه كيف يتكلم عن أمه ~> اقول اركدي بس خل نخلص <~ هـ المرة على شانك بس و لا المرة الجاية بـ يصير شي موب طيب <~ مشهد بـ ينحذف في المونتاج
- أوووه .. أجل تلقاه موب لاقي رد يرد فيه عليك ..
* احتمال .. ما علينا .. وزي ما يقولون يا خبر اليوم بـ فلوس بكرة يصير بلاش ..
.
.
في نفس اليوم في تالي الليل.. تبي تنام بس ما يجيك نووووم ..
حركات عفاريت و جن و تسذا .. تقوم تشغل جهازك و على فيلم رعب بطولة جين سوك أوبااا ..
و أنواع الخوف .. و أنواع الأكشن .. و أنواع الحالات النفسية ..
تخلص الموفي و أنت في قمة حماسسك تقوم تفتح جوالك لعل و عسسسى تلقى شي منا و لا مناك يرد الروح
مع إنه المقارنة أصلا حرام ..
يعني أنت كنت في جو كوري بحححت .. و ترجع لـ جو سعووودي أبحت
=|
المهم ما بـ اليد حيلة ..
تروح تلقى البني آدم اللي أنت ناسي أصلا إنه يعتبر من سكان لستتك ..
برودكاستات دق بـ الكلام و مصصالة ..
بس أنت موب معيره أي اهتمام .. لـ أنك موب شايله من أرضه !!
المهممتدووور الأيام و الشهور و الأسابيع ..
يجيك ذاك العلم اللي ما تدري وش تقول عنه =|
- يا فلان ..
* ارررحب .. وش أخبارك و وش مسسوي ؟!
- بـ خير عساك بـ خير .. أنت شكل ما جاك خبر بـ اللي صار!!
* أفااا وش صار ؟!
- خابر فلان اللي دايم معانا ..
* هاااااه!؟ مين ؟!؟ ايوووااااه لا لا خلاص تذكرت ..
- ايه وش فيه ؟!؟
* لا إذا ما تدري ما أبي أقول <~ جينا لـ حركات الأغبياء اللي ما أعرف وش يحسووون فيه
- أقول اسسمع بس .. أنت يوم إنك ما تبي تقول الهرجة من البداية وراك نطقت ؟!؟ كان خليتك ساكت أصرف لك ..
* و الله أنا ما أبي المشاكل و لا أبي يصير شي و تقولون إني قلت ..
- أول شي يا طويل العمر لو ما تبي المشاكل ما كنت سألتني تبي تشوف ردة فعلي .. ثاني شي جعلك سالم ما أحد قايلن عنك شي .. مير انت ازهله و هات ما عندك ..
* العلم إن فلان يقول عنك كذا و كذا و كذا و كذا ..
- أنا عاد يصير وجهي ألوان و لا ألقى الرد المناسسسب.. من قوة الكلام اللي سمعته .. بس برضي آدمي كويس و ما أحب اسمع كلام موب متأكد منه ..
تجي الجنية تحضر لي أبو وجه مثل قفاه
- هي يا أبوووو .. يا فلان ..
* ~> رجـــــــــــلك
- يا الحبييب ..
* ~> النححححشة يا ولد ..
- يا الطيب ..
* ~> تنشق الأرض و تبلعه =|
أنت عاد أنواع الاستفهامات
تقرر تنسى الهرجة و تمشيها ..
ترجع البيت تلقى دردشة طووووول بـ عرض ..
و يحش فيك و يقطعك و ما يبقي و لا يذر ..
أول سؤال يخطر في بالك .. وين كانت هـ الجرأة يوم إنك كنت عنده ؟؟!
و لا الذيابة ما تجي إلا بالكيبورد
.
الكيبورد الخارق
الآن و حصريا في جرير ..
كيبورد يحتوي على أنواع القوة ..
بـ إمكانك تدمير العالم بـ كبسسة زر ..
لا تدع الفرصة تفوتك ..
و اربح آيفون بـ المرة مجانا معاه ..
.
- عودة لـ الواقع -
المهم أنت شغل القوة الخارقة من ورى الكيبوردات ما يعجبك ..
لو ما رحت و لعنت سابع هـ البني آدم فيس تو فيس .. ما تزين أخلاقك ..
و تروح و تقول له وش العلم يا فلان وراك قلت تسذا و تسذا و تسذا =|
يقلب من جمعية الصم و البكم و العمي
يا ولد رد =| .. يا آدمي رد =| .. يا أخي رد =| .. يا هوووووووه =| .. أبدا ما يمك غير صصصنم..
تش إن اللي قدامك تمثال تروح تدفه ..
يطيح و ينكسر
و في النهاية تفوز انت
و ياحبني لي و يا شينكم يا اللي ما تعرفون متى تهايطون ..
توقيع
coOola
,’
عفوناا وصفحناا لعل الله يعفو عنّااا
coOola
مشاهدة ملفه الشخصي
البحث عن كل مشاركات coOola
البحث عن المواضيع التي كتبت بواسطة coOola