[Patricia]

علمتني الدنياا يمه اللي ماله أم بالكون سايب ... علمتني الدنيا يمه اللي ماله أم ماله حبايب ..


نصيحة مني لكل واحد أمه عايشة يبر فيها ويرضيها ويستمتع بوجودها .. لا تخلون الدنيا تعلمكم قيمة أمهاتكم .. اعرفوا قيمتهم قبل ما تفقدونهم .. لا تزعلونهم ترى والله الدنيا ما تسوى إذا راحت أمك .. والذي لا إله إلا هوو لو يحطون لي الدنيا باللي فيها في كفة وأمي في كفة لأخترت أمي وتنازلت عن كل شيء .. أصلا كل شيء بدون أمي مايسوى شيء !

حتى الفرحة ناقصة ومالها طعم إذا غابت أمك هذا إذا قدرت تفرح أصلا .. غالبا إنت تتظاهر السعادة وإنت أبعد مايكون عنها .

يابنات لما تتزوجوا لا تنسوا أمهاتكم زوروهم دائما .. ولا تغثوهم بعيالكم ترمين عيالك عندها وتروحين تسافرين ولا تتمشين وهي مقابلتهم .. ورب البيت هذا مو من البررر حرام ارحموا شيبتهم ..

ويا شباب اللي يتزوج لا ينسى أمه لا ينسى أمه لا ينسى أمه ويطير مع زوجته ..


ياليت عندي أم أروح لها وأزورها وأجيب لها هدايا ف المناسبات وأكل من طباخها وأفضفض لها .. ياللي أمك عايييشة حس بالنعمة اللي إنت فيها .. والله نعممممة كبيرة تدخل البيت تشوف وجه أمك وتسمع صوتها صدق من قال بيوت مافيها أمهات بيوت مهجورة وخرايب ..


لما فقدت أمي .. ماتت فيني الحياة .. نسيت طعم السعادة والراحة .. فقدت إحساس الأمان اللي كنت عايشة فيه .. كل شيء تغيييير .. ماعدت أنا أبدا تنازلت عن أشيياء كثيير لأني تعبت ماتعودت أواجه الحياة لوحدي ..

تصدقون إني كرهت بيتنا .. كرهت حتى عتبة بابه وجدرانه .. على كبره إذا دخلت فيه أحس بضيق مايعلمه إلا الله ..


يارب عوض أمي بالجنة وكن رحيما بها كما كانت رحيمة بنا، يارب أرزقها درجة الصابرين الذين يوفون أجورهم بغير حساب ..

الووحيدة اللي إذا راحت ماراح تلقون فيها عوض هي أمكم .. باقي الناس وباقي الأشياء تتعوض ..!

الله يجبر بخاطر كل من فقد أمه ويخفف عليه ثقل الأيام .. مهما مرت السنين على وفاة الأم تحس كأنه أمس .. جرح ينزف لأخر العمر