[غيم تايه]

المشاركة الأصلية كتبت بواسطة براري ^^ حياك الله استاذي ~ لا والله للآن ما وصلت مرحلة الايصال ، قصدي يرفض سداد المبلغ من الصرافة ما ني عارفة فين المشكلة ، ابغى بعد انتهى الإجازة ارجع اسجل وأحاول من جديد .. عندي سؤال إذا حاولت اسدد الرسوم قبل ما اسجل عادي أو لابد اسجل بعدها اسدد ؟؟ لأنه خايفة اسجل ويروح الوقت بنفس المشكلة ، مو تشائم بس حريصة ما يروح عليّ التسجيل .. الله يوفقك ويجزآك خير :)

حياك الله :

من الصرافة يقولك لازم رقم الاشتراك وكل ما دخلنا رقم الاشتراك ما يتمم العملية، ولكن اتوقع ان المشكلة لأني ما سجلت اصلا في موقع قياس تسجيل ( غير مؤكد ) .
لازم تكوني مسجلة مسبقًا في موقع قياس ومحددة الاختبار اللي راح تدخلينه، وشخصيًا البارح حاولت بنفس الكلام اللي قلته وهذا خطأ طبعا، لذلك :
قمت ودخلت على عمليات أخرى وليس سداد، وطلبت إيصال شحن عندما ظهرت امامي الخيارات فاخترت قياس، طلعت امامي المبالغ المالية..
إذا اخترتي 200 ريال يعطيك العملية خطأ، لذلك اختاري 100 وكرري العملية يطلع معك ايصالين،، لكن تأكدي قبل كل شيء ان الصرافة تطبع اوراق..
اخذت الإيصالات ودخلت على الملف وقمت بالشحن بإدخال أرقام الإيصالين، عن طريق اختيار ايقونة سداد ببطائق الراجحي، وبعدها اتممت عملية التسجيل، وتأكد الطلب..
يوم الثلاثاء في مبنى 125 بجامعة الملك عبدالعزيز،، هذا اللي حصل معي، وياليت تسويه وتريحي رأسك،،
وعلى فكرة سددت من سداد المبلغ المستحق للدبلوم التربوي، دخلت سداد، ووضعت رقم جامعة الملك عبدالعزيز 009، طلع لىّ خانة لإدخال رقم الاشتراك، وضعت رقم الطالب..
وبالفعل طلع لىّ، المبلغ المستحق وكلها ضغطت زر بالموافقة، وعطاني ايصال بأنه تم السداد،، ولاتنسي ان رقم قياس 008، جربي وان شاء الله امورك تضبط...

موفقه يارب""