[السيدة نكتة]

المشاركة الأصلية كتبت بواسطة شموع32 هههههههههههه اهلين بالسيده نكته اغلب الوظايف تطلب حاسب وانجليزي انتي حاولي انك تاخذي شهادة icdl قبل تتخرجي من الجامعه والانجليزي اتوقع يمشوا فيه مو لازم تكوني متحدثه بروفيشنل <====== طوري نفسك راح يجروا وراكي : ) دمتي بود

لا لا انتبهي تاخذي شهادة الحاسب وإنت ماتخرجتي ترى لما تقدمي عالخدمة المدنية مايعترفوا بدوراتك قبل التخرج
في كذا دورة أخذتها من قبل وأول ماعرفت هالموضوع وقفت عن الدورات .

لما اتخرج بدخل icdl أظن هي الأفضل وهي المطلوبة أكثر صح ؟
ولا في غيرها ؟ إذا فيه علميني وين أروح تقترحي علي ؟؟

أبغى مكان سعره معقول وبنفس الوقت يعلموني صح مو مشي حالك
عندي مبلغ مخبيتة عشان لما اتخرج باادخل الدورة من المبلغ اللي جمعته > يارب أخوي مايقرأ هالكلام عشان مايعرف إني مخبية فلوس خخخ

آسفه عالإزعاج قلبت الموضوع اسئلة خخ عاد وش أسوي بتخرج هذا الترم والله من إلحين شايلة هم بشكل ماتتخيلينه اتعبني التفكير

حتى صرت أطالع بنفسي بالمرايا واقول والله كبرتي يانكتة خخخخخخخ
وأقعد أفحص وجهي وأقول يوه يبغالي اهتم عشان ماأعجز
صرت أفكر بالتجاعيد والحركات ذي خخخ قبل ماكنت افكر فيها
وصرت مااحب احسب عمري مره صايرة زي الحريم الكبار خخخخخخخ


ايه قرأت في من جاب سيرة باب رزق رحت موقعهم أبغى اسجل مو راضين يخلوني
وانا قاعدة اسجل الاسم عند مستخدم جديد
قلت خليني اسجل اسم جدي وكشخة بلاش الأسماء الرجة
عشان لما يقراونه يقول والله ذي شكلها مجتهده بس للأسف مااعطوني وجهه كل شوي يقولون غلط الاسم والرقم طيب والعمل ودي اتدرب بالصيف ؟


جزاك الله خير حبيبتي . استحملينا عاد تعرفين الشعب السعودي إذا شافوا فرص عمل وش يصير لهم



كان معكم من أرض الحدث السيدة نكتة