[عماد الحسن]

تحية طيب لكل الطالبات المشاركات في الموضوع الله يجعله اجتماع خير وبركة

المشاركة الأصلية كتبت بواسطة De$eRt Ro$e السلام عليكم.. كيف حالكم يابنات على قد ماني سعيده اني انقبلت في الدبلوم لكنى حزينه على صديقاتي مايدرسوا معايه حاسه نفسي ودي اصيح وأبكي لاني لو لفيت الدنيا كلها مااحصل زيهم علاقتنا ولله الحمد علاقه أخت بأختها.. قابلت الكثير كانت علاقتهم معايه مصلحه وسببولي مشاكل انا في غنى عنها لكني قاعده أهون على نفسي اقول سنه وحده أتحملها مو مشكله حتى لو ماعرفت أحد احضر محاضرات وبعدها اروح البيت واريح نفسي. لاني لمن رحت أول يوم علشان اطابق الورق حسيت بدوخه وانا داخله الجامعه والبنات هناك مااعرفهم بصراحه مدري كيف راح أتأقلم على الوضع، وكمان شايله هم التطبيق الترم الثاني كيف اروح اطبق في مدرسه وانا مامعي أحد يوقف معي ويساعدني؟؟؟ لاتضحكوا على كلامي لكن بجد هذه في نظري اعتبرها مصيبه وانا لمن سجلت دبلوم ماعملت حساب لهذا اليوم . لكني انا خايفه من صديقات المصلحه لاني انا ممتازه وخدومه جدا ولمن انحط في قروب عمل جماعي الشغل كله على راسي وانا خايفه الاقي بنات زي كذا لانهم يطنشوا ويدورا اعذار وانا علشان الدرجات تحرق قلبي اتكفل بالشغل كله علشان ماتنقص الدرجات وفي الاخير يالقهر يجيبوا درجات زي وانا الي تعبت.. وكمان صعبه اشتكي للاستاذات لاننا احنا كبار عن هذه التصرفات ربي يستر يااااااارب

حياكم الله أختي وقد تأثرت بهذه الكلمات ولي عليها تعليق بسيط بعد اذنكم:
- صديقاتك موجودات في الجامعة أو بعد الدراسة وما خسرتوا أي شئ ، عندك ماشاء الله مجموعة مميزة من الطالبات وعلاقتكم طيبة وبدأت من قبل الدراسة عن طريق مواضيع المنتدى والمراسلة بالجوال ورايحين ترتاحوا كثير بإذن الله في الفصل القادم.
- مسألة المصلحة لا يجب أن تشغلكم كثيراً ،، لأن كل طالب يجتهد ويذاكر ولكن بعض الناس يقرأ الملخصات ويضعها في الدرج بينما طلاب آخرين بعد المذاكرة يحب أن يقدم الملخصات لغيره ليستفيدوا منها وأنا من هذا النوع بحمد الله ، سبق لي أن عملت عشرات الملخصات الدراسية خلال دراسة البكالوريوس والدبلوم والماجستير وحتى الآن في الدكتوراه، وأن أقدمها لزملائي بنفس طيبة وبدون أن أنتظر من أحد أي مقابل لأنها من باب نشر العلم النافع وطلب الأجر على الله.
ولا تنسي وجود الطالبات المتميزات معاكم هنا ،، وأذكر لكم مثال أختكم القديرة "حبي لذاتي" ماشاء الله عليها وعدتكم خير وأنا متأكد أن تعاونكم سيكون رائع بكل المقاييس ويفيد كل من حولكم ، شاهدي موضوع أختكم هنا: http://www.skaau.com/vb/showthread.php?t=425476
ولا حظي أنها دفعت مبلغ 3500 ريال لتسجل في دورة الانجليزي بكلية الحكمة وبذلت الكثير من الوقت والجهد والمال، وقامت بعرض ونشر كل الملخصات والمحاضرات والمعلومات المفيدة جزاها الله خير وقد استفاد ألاف الطلاب من الموضوع وحقق أرقام قياسية وصلت لحد 133.000 مشاهدة في مدة شهرين فقط ماشاء الله تبارك الله.

- التطبيق العملي صعب في البداية ولكنه سهل في النهاية ، وغالبية الطلاب درجاتهم بين 95 و 99 % وهو ممتع خاصة للبنات ولا داعي للخوف منه.. وختاماً أعتذر منكم للإطالة ونسأل الله القبول والتوفيق للجميع.