[right]السلام عليكم و رحمة الله و بركاته ~
مواد السمستر الخامس لطلاب الكيمياء الحيوية :)
* الأيض العام 2 :
أخدتو مع د. كريمة ..
الدكتورة كويسة, أفضل بمراحـــــل عن تدريسها للبيوك 201
الكورس بيتكلم عن ميتابوليزم الـ بروتينات و الـ ـأحماض النووية ..
و يتكون من 4 شباتر ..
3 منها للبروتينات , و الأخير للأحماض النووية ..
اختباراتها فراغات, و باث وي واحد, و اختياري ,
و في الدوري التاني جابت لنا تحدثي عن ... ( مرض ) !
الفاينل كان صلي , باث وي ترسميه كامل من إلى,
و باث وي تاني ناقصو بعض البيانات تكمليها !
و الباقي اختياري ..
اللاب مع مس مريم الزهراني ..
ساعة, ساعة و نص و احنا مخلصين
بس طبعًا دهـ نظرًا لظروفها
يعني أتوقع الطبيعي لاب الأيض الطبيعي ياخد من ساعة و نص لـ ساعتين ..
الكورس عمومًا حلو, أحلى و " أخف "
من ميتابوليزم 1
اللاب
هنــــا
الكتاب المطلوب لبنكوت , تلاقوهـ
هنــا , في مشاركة الـ أ. محمد .
* التغزية :
مع د. مديحة مافيش غيرها
شرحها مش حلو أبدددددددددن
بتقرأ قراءة !
مع إنو الكورس جدددن حلو و مفيد ..
اختباراتها الدورية أربعة أسئلة مقالية – بس كل سؤال بأكتر من فقرة -
و عليها أكتر من نص الدرجة !
الباقي فراغات, أو اختياري .
الفاينل كان كلو اختياري , و فيه 11 سؤال زيادة !
<~ لا تسألوني ايش الرقم الغريب دهـ
اللاب مع أ. هديل السفياني ..
جددددددن حلو و مسلي ..
و آخر جزء من اللاب يسير نظري, ما فيه أي تجارب تعملوها ..
اللهم يوم الفاينل ح تسلمي الـ case study تبعتك .
السلايدات
هنا , و اللاب الجزئين
هنا ..
و لو وحدة حابة تطلع ع ريبورت الـ كيس ستدي .. تأمر بس
الكتاب - understanding nutrition - تلاقوهـ
هنــا .
* الأحياء الدقيقة :
مع د. سناء العطاس ..
الآدمية شرحها حلو ,
و أسئلتها سهلة – اختياري و صح و خطأ - ,
و بتقيم من 110 <~ يعني 10 درجات بونس
بس تعاملها .. شوية مدري كيف !
الجوالات و التأخير ينرفزوها بشكل مش طبيعي ..
المزاكرة من الكتاب , ما عدا آخر شابتر أدتنا السلايدز ..
الكتاب كلامو كتيـــــر ..
فـ المزاكرة ع الأقل ع الأقل تكون شابتر بـ شابتر ..
عشان لا تطير المعلومات و تنزنقوا وقت الاختبارات
اللاب حقو مقرف
و روائحو مزعججججة ..
بس دائمًا قصير .. يعني ساعتين أقصى شي و ما سارت إلا مرة وحدة !!
فـ خدوهـ آخر النهار
الكورس عمومًا مش صعب , بس بالنسبة ليا تعبني أكتر من الخلية !
الـ test banks
هنا , و سلايد آخر شابتر
هنا ..
و عندي الكتاب e-book, بس للأسف حجمو كبير و مش راضي يترفع ..
لو أحد محتاجو ممكن أقسمو ولا أتصرف فيلو .
* كيمياء حيوية غير عضوية لسا ما أخدتها
و بس .. ثقافة 2 + عربي 2 .
ما أظن أحد يبغا شي ليهم دول xd