[Radiology]

المشاركة الأصلية كتبت بواسطة tr.z انآ غلقت التحضيري ، وان ششاء الله بأذن وآحد اني رآح اكون معآكم هالسنه ، + محتآر بين الاشعه والمختبرآت ، وكل مآقلت لـ وآحد قالي الاشعه فرص التوظيف بعدين قليله ، لآكني انا مرتآح للأشعه وحآب هالتخصص من قلب ، احسه متعه وعلم وفآيده ، جميل انكك تتعآمل مع اجهزة الاشعه وتفهم كيف وحقت وشو ووش السالفه :p للأمانه للحين محتآر ,, خآيف ادخل اشعه واتوهق بالتوظيف بكرةة :| والمختبرآت نص الي اعرفهم فيهآ ويمدحونهآ .. بس موب مرتآح لهآ :/ هو سؤال وآحد يشمل عددة اسئله :$ فرص التوظيف متسآويةة في كل المجآلآت ؟ نفس البدلآت عند الكل ولآ تفرق ؟ + الاشعه مستقبلآ مآتأثر علي مثلآ ؟ لآ تزوجت بكره يعني ماتجيب عقم شيء ( لآ سمح الله ) ششكرآ لكم ()

ممكن ترجع لروابط المواضيع اللي حطتها Dr.Shaikhah الله يعطيها العافية.


أنا والأخوان والأخوات بنقول لك اللي نعرفه عن قسمنا ، أما المختبرات فأهل مكة أدرى بشعابها وأخواننا في المختبرات ما يقصرون وخصوصاً حبيبنا المستشار (قصة غروب) وله موضوع شهير عنوانه ( نحن هنا لاي استفسار عن تقنية المختبرات الطبية ) تقدر ترجع له وتقراه وتسأل الأخ محمد لو عندك أي استفسار عن المختبرات .

بالنسبة للوظائف أنت وكّل أمرك لله هذي أرزاق لا أنا ولا أنت نعلمها ، ولكن عموماً خريجي درجة البكالوريوس في العلوم الطبية في شتى التخصصات مطلوبين وخصوصاً في الفترة المقبلة ، وأما معاناة التوظيف اللي نلاحظها ونسمع عنها أغلبهم من خريجي الدبلوم ، فلا يكون هم التوظيف حاجز لك أمام رغبتك .

وقسم الأشعة خصوصاً من أكثر الأقسام اللي تحتاج كوادر تقوم بمهام فروعه المختلفة وتغطي ساعات العمل اللي تستمر لـ24 ساعة في بعض أقسامه.

أما جانب خطوة الأشعة ، ففعلاً الأشعة المؤينة مثل الأشعة السينية لها خطورتها لكن في المقابل فيه وسائل وقاية وحماية متى ما اتبعها الأخصائي بيكون في مأمن من خطورة الأشعاع ، وبعدين حتى المختبرات يتعرضون لخطر العدوى من عينات المرضى اللي يتعاملون معها ، نستنى قصة غروب يعطينا نبذة عنها

وبالتوفيق يارب ..