[كونتيسه]

السلام عليكم ورحمة الله وبركاته

الزواج تكمل بيه نص دينك

ولو كل واحد قبل يخطب اخذ الموضوع بجديه ان شاء الله بيبني أسره رائعه

وقبل ماتخطب لازم تاخذ امور بعين الاعتبار :

1-ابو البنت لاااازم تسال عنه لانه بيوم بيكون جد اولادك
2-اخوان البنت لانهم بيكونوا خوال اولادك

3- ام البنت لازم تعرف ايش هي طباعها

4- بعدين تسال عن زوجة المستقبل واهم شي دينها +خلقها +ثم بعد ذالك الجمال وغيره من شروط الاولاد

5-الان سألت وعرفت انهم ناس طيبين وسمعتهم حلوه خلاص روح اخطب

6- ضروري تطلب النظره الشرعيه سبحان الله بترتاح فيها وهي الي تقدر تقرر بعدها تستمر ولالا

7-خلاص ارتحت يلا روح ملك (عقد القران)
بهذي الفتره تتقرب منها اكثر وتعرفها زين صالحه للزواج ولالا تقدر تتوافق معها ولالا

بهذي الفتره حكم عقلك مو حط قلبك ع جنب لان هذي حيااااااااه مو يوم وليله ولها ثمار

احلى فتره للملكه 4 شهور او 3 شهور لاتزيد ولا تقل لانه من وجهة نظري كل مازادت الملكه زات المشاكل وحصل الطلاق بعدها

8-خلاص قررت تتزوجها اعجبت باخلاقها مو بس جماااااالها هاه

ع البركه وربي يوفقك

9- ع قد ماتقدر تحلى بالصبر ومهما حصلت من مشاكل بينكم تذكر ايامكم الحلوه

واتمنى من الزوجين لما تحصل مشاكل بينهم يحاولو قد مايقدروا يسكتوا لانه لما تكون زعلان بيطلع
منك كلام ماتكون قاصده وتكبر بكذا المشكله

10- لازم ولابد منها بالحياه الزوجيه الصــــــــراحــــــــــــــــــــــــــــــــــــ ـــــــه

ايش فيها لما تصارح زوجتك بتصرف صدر منها مايعجبك او العكس

بدل ماتخليه بقلبك وتتراكم عليك وفجأه تنفجر وطلق وبعدين تندم

خليييييييييك عقلاني بهذي الامور

11- اكره ماعلى المراه ان زوجها يتغير عليها فجأه يعني مثلا ايام الملكه دلع وكلام معسول وبعد الزواج شهر بس يستمر وبعديييييييييييييييييييييييين ينسى

واذا طلبت منه فتعتبر بنظره فاضيه وتافهه على الاقل اذا انت مو رومنسي ياخي كلمه وحده باليوم

لو تغصب نفسك عليها وتجبر بخاطر المسكينه

12- ع الزوجه تستقبل زوجها باحسن استقبال مو تطلب منه طلبات من يوم يدخل من البت وربي راح يكره جيت البيت ويطلع للمقاهي احسن له

13-لااااااااااازم يالزوج تراعي الحاله النفسيه الي تمر فيها زوجتك كل شهر ولا تعطي انفعالاتها اي اهميه وحاول تهديها بكلامك واذا ماقدرت حاول تسكت

14- اذا كنت فاكر ان الحياه كلها رومنسيه وهدوء لاااااا بتكون مثالي زياده عن اللزوم وبتنصدم بالواقع

عادي ممكن تحصل بين الزوجين مشاكل وبتنحل ان شاء الله والمشاكل مثل الطعام بدون ملح

هي ملح الحياه >>>>>طبعا من العيار الخفيف

15 - اذا لاقدر الله حصلت مشاكل وحاولت ركز حاااااااااااااااااااولت تحلها بينكم ومانحلت بالعكس صعبت
روح لاحد تثق فيه وبخبرته بالحياه وحبه لك وانه يتنمى لك الخير

واشرح المشكله ان شاء الله تلقى لك حل عنده

او ممكن تروح للاستشارات الزوجيه

16 - مافي مشكله بالحياه بدون حل المشكله فينا اننا مافكرنا من البدايه برويه ومااخذنا الموضوع بجديه

17- اتمنى من كل ام ماتزوج ولدها الا اذا كانت عارفه انه قاااادر ع اقامة بيت حرام تظلم بنت الناس

عجبتني وحده من جماعتنا عندها ولد مدمن الله يكفينا الشر وعمره 36 الله لايبلانا ومو متزوج

قالت لها وحده من صاحبتها ليش ماتزوجين ولدكي يمكن يعقل قالت تبغين اظلم بنت الناس وتدعي عليه

وربي بعدين يبلي بناتي وبدل مااشيل هم ولدي لوحده اكون شلت هم زوجته واولاده كمان لاااا خليه

لما ربي يهديه ازوجه

امرأه حكيمه وتخاف ربها

لو كل وحده فكرت تفكيرها كان ماسمعنا صراخ المتزوجات وبنات المدمنين

-----------------------------------------------------


اتمنى اكون وصلت الفكره لكم

واتمنى حياة زوجيه سعيده لكم

لا تخاف من الطلاق اذا مشيت بهذا الطريق

وبالاخــــــــــــــــــــــــــــــــــــــــــــ ـــــــــــــــير اقول ان الزواج قسمه ونصيب ولازم الواحد يرضى بنصيبه