رد: ياخوان هل ابقى فى عملى ام افصل رايكم يهمنى ارجو من الله ثم منكم التوجيه لما ترون
مدري ان بترجع يوم ما لموضوعك او لا ،، لكن احب اقولك كم شغله
1- ترجمة بتلقى وظائف فـالشركات و الحكومة و ان قفلت بوجهك مرره تقدر تفتح مكتب خاص فيك للترجمة و فيها وورق و لكن لا تدور هالمجال بأمريكا لان امريكا مافيها تخصص ترجمة و انا اخوك
هالشي تلاقيه ببريطانيا.
2- لغويات انصحك بأمريكا و بقوة لكن نكون واقعيين فين الشركة اللي بتقولك تعال نوظفك يا طالب لغويات!! ما اتوقع بسوق العمل عندنا هالشي موجود. غالب الوظائف لها علاقة بالتعليم
سواء تدريس او اعداد مناهج ... الخ و الجامعات عندنا يشترطو طالب الماستر ما يكون اكبر من 35 سنة ان ما خاب ظني. و انت قدامك حول 3 سنوات حتى تخلص الماستر. و 4 للدكتوراه!
3- انت متوظف حاليا و مادري بصراحة ان تشوف راتبك يعيشك و يفتح لك بيت فـ اتوكل ع الله .. العمر يمشي و راح يجي يوم و انا اخوك تحس ان ما كان في شي يسوى ع تأخيرك للزواج ،،
تزوج بنت الحلال و ربي يرزقك معاها ،، ومثل ما قرأت باحد الردود اعجبني الرأي بصراحة و هو انك تكلم اهلك يدورو لك ع ببنت مبتعثه او متخرجة بمعدل كويس و انت رغبها بالابتعاث..
كثير وكثيررر بناات ينحرمو من الابتعاث بسبب المحرم ،، و كثير بنات بأمريكا اشوفهم اللي يتركها محرمها و يرجع السعودية و يروح لها بين فترة واخرى و تتمنى يكون معاها دايم ..
و انت ان شاء الله انك ابن حلال و تبغى العلم و ربي يرزقك بوحده بنت حلال مبتعثه و تروحو سوا و كمل دراستك ماستر و دكتوراه و حتى تتخرج ربك يسهل الامور بترجع معاك دكتوراه و خبره عمل مو سهله.
4- مو كل معاهد اللغة تدخلك الجامعة حتى لو كان هالمعهد تابع للجامعة فـ كثير يطلبو توفل/ ايلتس .. و بما انك خريج لغة انا اقولك جرب نفسك بالاختبارين و الاسهل لك استمر فيه و اختبره اكثر من مره حتى تجيب الدرجة المطلوبة ،، اغلب الجامعات تطلب لماستر اللغويات 6.5-7 ايلتس .. 85-100 توفل في جامعات تقبل بـ 79 و 80 و 81 فالتوفل لكنها قليلة ما تتعدى اصابع اليد. و 100 قليل و تكون جامعات قوية نوعا ما
الاغلب بين 85-95 .
5-لا تروح لاي مكتب يقدم لك ،، موضوع التقديم و القبول سهل بالمره و لا يحتاج مضيعة فلوس ع المكاتب و غيره و انت خريج لغة فـهالشي بيرحك كثير ،، لان المكاتب ما يهمهم وين يحطوك بأي ولاية/مدينة كل همهم الفلوس.
و الاهم من كل هذا انك تجلس مع نفسك و توزن الموضوع من كلا الاتجاهات + دعا الوالدين و الاستخااره .. و ربي يكتب لك اللي فيه الخير.
|