شكرا ليكي يا مولا مرة ثانية
والله 5 حقول من أصل 11 حقل .. مررره قليل بصراحة
طيب هل عندهم نية يفتحو حقول تانية تبعا لرغبات الطلاب ؟
لأنو الحقول أظنها ترجع لرغبات الطلاب .. فهل هذي الحقول فقط اللي يبغوها الطلاب ؟
قلتي :
"تجد الخطة للماجستير برسالة في موقع الجامعة في قسم الاقتصاد "
+ والله ما لقيت في الموقع الا الخطة تبع المواد والرسالة
أما خطة اللي يبغى مواد ومشروع بحث ما لقيتها أبدا
يا ليت تدليني فين ألقاها
بالنسبة لابتعاث الدكتوراة بشكل عام وهل يقبلو في أمريكا الماستر اللي بمشروع بحث سألت بعض المبتعثين وواحد قالي تقبل ان شاء الله
اهم شي المعدل عالي و يكون ملفك الخاص بالتقديم كامل
والثاني قال
فيه بعض الجامعات تقبل وجهز اول شيء البربوزال طبعا لو كان الماستر ثيسس بيكون جاهز وحتى لو كان بروجيكت فيه احتمال للقبول
الخطوة الاهم مراسلة القسم او البروف مباشرة للتاكد
حبيت أفيدكم بهذي المعلومات اللي حصلت عليها حتى الآن .. وأتمنى لو عندكم معلومات أكتر في هذي النقطة تفيدونا بيها
وموفقين يا رب
وكمان فيه في بالي سؤال :
هل قبول الماجستير يدققو على سنة التخرج من البكالريوس ؟ .. يعني أنا خريج 2006 .. هل عندي مشكلة ؟
وهل كمان يدققو على العمر ؟ .. لأنو في شهر 4 هجري ( اللي هوا وقت التقديم ) راح يكون عمري 32 سنة .. فهل عندي مشكلة بالنسبة للعمر ؟
وتحياتي