اخ محمد الجحدلي
عندي استفسار ياريت تقولي رايك في المادتين هذي
محاسبة مالية متقدمة 1
ومحاسبة زكوية
ناوي اخذها الصيف هذا ان شاء الله
|
اخوي سلطان انا الترم ذا منزل المادتين
بخصوص مالية متقدمة 1
هيا مادة ما اقوولك سهلة بس يبغالها تفتح مخك شوية
دكاترة دكتور زكريا فريد هو اول مررة يدرسها في الترم العادي هو عادة يدرسها في الصيف بس
قبله كان فيه سامي بخاري والحمد لله الحمد لله الحمد لله بعد جهد وتواصل مع ادارة القسم قدرنا ناخذ منه المادة ونعطيها للدكتور زكريا فريد
طبعا الدكتور زكريا فريد انا ما ادري ايش اقوول وايش اخلي ان كان ادب واخلاق فهو قمة في الاخلاق والله عمررو ما زعل احد ولا حتى زعل من احد ومهما تسال يجاوبك وما يخليك الين ما تقتنع
انا بقوولك قصة وهاذي حتوضح طبعا دكتور زكريا يدرس في امريكا ويدرس في جامع عين شمس غير جامعتنا غير انو يحط بعض اختبارات الزمالة غير انو مستاشر لبعض الوزراء وغير وغير يعني تاريخ حااافل بالانجازات
مرة راح يدرس في امريكا طبعا دخل الكلاس لقا العالم تتكلم وتهرج والي ناايم والي يشرب والي ياكل محد مهتم
اول ما بدا الشرح طبعا الي ياكل ساب اكله وانتبه والي يتكلم سكت والي نايم قام كل هذا من شرحو كلم حبووه وما يبغوه يرووح تعرف لما خلص الاسبوعين
الطلاب مسوين مظاهرات برا الجامعة كاتبين شيم ان يو يعني عار عليكم قصدهم على الجامعة انو كيف تخلو دكتور زي هذا يمشي من هنا
وقيس على ذلك
بخصووص طريقة تدريسو
انا من بعدو فهمت المحاسبة كلها على كل درس يحللك 4 او 5 امثلة واذا احتاج اكثر يعطيك عادي الين نفهم كلنا
وطريقة اسئلتو كلها عمملي ما في نظري واسئلة ابدا ما فيها حفظ كلها فههم يكون فيها تفكير فيها شوية صعوبة وفيه سهلة يعني اختبار جدا ممتاز ويزود درجاات
والدكتور التاني دكتور عبدالعال ابو خشبة شوف الدكتور هذا طبعا منهجوو غير عن منهج دكتور زكريا فريد
وطريقة تدرسو يعطيك المختصر ما يكثر في الشرح فهمت ويزودلك شرح بعض المعااير
وفي النهاية يزوودك درجاات طبعا انا ما اخذت عندو ذا كلام اصحابي
بخصووص مادة زكووية
طبعا المادة هاذي احنا كيف نسال بينا احنا الشباب الي ماخذينها
نقوول هاذي المرة الكم ماخذ المادة في ناس مرتين وفي ناس 3 مرات وواله في ناس ماخذينها للمرة الرابعة
طبعا الدكتور عبدالله يماني ما يشرح يجلس ويقعد يقراااااااااااااااااااااااااااا ولا احد فاهم حاجة ولو مو البلاك بيري كان نمت
واختباراتو معرووفة نفس الأسئلة حقت السنوات الي فاتت
والدكتورر بصراااحة انسااااان فاااااااااااااااااااهم المادة زي ما يقولو شاربها شرب بس فيه مشكلتين المشكلة الاولى انو الدكتور ما يعرف يفهم
والتانية انو الكتاب قدييم وصععب
وتخيل لما نجي نحل مسالة يكون اقووول 4 اقوال للائمة وقول للمؤلف وقوول مصلحة الدخل وقول الدكتور احنا ما ندري نحل بايش ولا بايش
فا هذي المشكلة انو الكتاب قديم وصعب وكلو تناقضم تلاقي فاول الكتاب شي واخر الكتاب عكسو
بس في الصيف ما ينزلها هوا ينزلها الدكتور صالح السعد واغلب الطلاب ينجحو عندو انا ما اعرف عن الدكتور هذا بس انو اسهل من دكتور عبدالله يماني
وان شاء الله اكون افدتك
تقبل تحياتي اخوك محمد الجحدلي