[Aishah AL-farhah]

المشاركة الأصلية كتبت بواسطة life as game شوفي بما انو امك تحوب الجنوب وكدا ..انصحكم تسافروا الطايف وتستاجروا في شاليهات الهدا .. ترا مرة الجو بارد ..وخصوصا في الليل دوبي رجعت من هناك يوم الاثنين اللي راح ,, وبالنسبة انو الطايف يسبب نفسية ..على حسب الشخص ..حتى انا اكرهها لاني اشوفها مجاعة ما حبيتها الا عشان اهلي واصحابي بس.. ..احسن من التخييم تاخدوا يومين في شاليهات الهدا وراح تحسوا كانهم شهر ايوه صح يمكن احد يطلع ليا يقول كيف شاليه وماعندهم بحر ..طيب خلاص كباين ..ولو كمان موعاجبك نسميها شقق مفروشة مع انها مالها دخل الموهيم دي الكباين فوق في الهدا يعني الجو حيكون بارد جدا ..وقريب منكم الجبل الاخضر مرة ونااااسة وبعدها تسافروا عالمدينة حيكون تغيير خرافي في جوكم .. اما استراحة في جدة ..تيتي تيتي زي ما رحتي جيتي ..بس خسارة فلوس .. او انكم تستاجروا استراحة في ثوَل او رابغ ..بس احذرك من ثول تراها مجاعة الله يمسحها من عالخريطة مررة فقر وما تشوف شر الوالدة

أهلًا بك يا أستاذ

صرت محتارة أكثر ، بس فكرة التخييم شطبت عليها
بعد مداولات مع الإخوة الأعزاء ، يقولون بتجيك الحشرات والعقارب والثعابين
طبعًا فيه أسباب أخرى بس هذا أهم سبب بالنسبة لي

الله الله صراحة حمستني لشاليهات الهدا
وأجواء الطايف حلوة كثير هاليومين حسب كلام أحد المارين بها قبل كم يوم

بس أهم نقطة في الموضوع ما ذكرتها ألا وهي السعر ، يعني يوم في الشاليه بكم
لأني أنا محدثتكم متكفلة بالهرجة من الألف إلى الياء ، يعني من حر مالي الخاص
ورفضت إن أحد يقط معي ، والله العالم إني ورطت عمري لكن ما يخالف عشان الوالدة

الله يسلمك أخوي عسى الشر ما يجيك