السلام عليكم ..
راح أعطيكم تقرير عن حفل التخرج اللي كنت أنتظره من يوم سجلت طالبه ..
في البدايه عرفت الموعد من بنات ع الواتس مع العلم انه ارقامنا مسجله ف الاوديس وكانت الجامعه تتواصل معانا عن طريقها
المهم رحت الاحد والحفل كان الخميس على اساس استلم الروب لانه جدااا مهم بالنسبه لي من ناحية ذكرياته ومع الاسف وقتها قالولي انا وتقريبا 20 بنت الارواب خلصت تعالوا بنفس يوم الحفل من بدري للي تحب تستلم يعني تقريبا 5 العصر والحفل يبدا 8 المساء
وأنتظرت الخميس على أحر من الجمر ورحت مع العلم أنه زواج أخويه ثاني يوم الجمعه بس قلت مستحيل يفوتني هذا اليوم
أخذت معايه الوالده الكريمه ومشينا من البيت 4 ونص العصر عشان الروب مايفوتني
وصلنا 5 الا وجيت بدخل أمي قالوا روحي استلمي الروب من باب الطالبات وخذي كرت الدعوه اعطيه امك وترجع لنا من بوابة الامهات وأنت أدخلي من بوابة الطالبات وإحنا نستلم أمك وراح نضيفها ونكرمها وماراح نخليها تحتاج شي وأنت روحي تكشخي وتجهزي وبعد الحفل تتقابلوا إن شاء الله
وأتجهت أنا وأمي حبيبتي لباب الطالبات على اساس اخذلها بطاقة الدعوه
والصدمه عند الباب انه سحبوا جوالي طلع ممنوع
طيب وأمي كيف اتواصل معاها وليش محد ححط بالاعلان وسياراتنا .. !!!!
وقبل ما اسلمهم قلت طيب متى أقول لسيارتي تجي الحفل متى يبدأ ومتى يخلص
قالوا يبدأ 8 ويخلص 10 واكلم سيارتي تجي 10 ونص من باب الاحتياط تاخير نص ساعه
ودخلت اخذت الروب والبطاقه ورحت وصلت أمي ورجعت لباب الطالبات ودخلت دورة المياه لبست الروب وجلست بصالة الانتظار وجمبها بوفيه مأكولات خفيفه ومشروبات ومويه ( ماقصروا )
كان فيه قاعتين مدرجه صنفونا على حسب التقديرات اللي ممتاز لحال والباقين مع بعض انتظام على انتساب
طبعا مافيه اي تعليمات انه فين اتجه كل وحده تمشي وتسال تدبر نفسها
دخلنا القاعه العدد مره كبير وعلى الساعه 7 ونص وحده تنادي من عند الباب اللي ف السليمانيه انتساب تجي ويصفونا طوابير برااا
طبعا الشي السيئ بذاك اليوم انه اتركي اغراضك على الكرسي ف المدرج ولاتاخذي معاك اي شي واذا خلص الحفل ارجعوا خذوا اغراضكم ..؟!!!
طيب كيف كذاا وليه ماخصصوا أماكن نحط أغراضنا فيها
مشينا كلنا وقفنا طابور أثنين أثنين ... واقفين بصاله كبيره ننتظر المسيره تبدا
ومن الساعه 7 ونص لحد الساعه 10 وثلث واقفين والله العظيم تعبنااا تعب وكرهناا نفسناااا بشكل
اللي توقف واللي تجلس واللي تروح دورة المياه وترجع وطبعا سياراتنا ملطوعه برااا وممنوع منعا باتااا تطلبين جوالك رحت كذا مره وردوني لدرجة انه اضطريت اطلب عاملة النظافه اللي ماتتكلم حتى عربي جوالها وبس مسكته طفي مافيه بطاريه لسوء حظي
واروح جهة الامهات ابغى ادخل لامي اشوف اش تسوي او محتاجه شي محد رضي يدخلني
تخيلوا طول هاذي الفتره الامهات ماعندهم شي ياكلونه مساكين يعني ماحطولهم ضيافه زي الخريجات مجرد فنجان قهوه وحبة شكولاته هذا غير البرد اللي كسر عظام امي مسكينه وغير لما تجي تخرج دورة المياه يقولوا كل وحده تحافظ على مكانها عشان الزحمه ..؟!
وطول هذا الوقت كان عذرهم ع التأخير أنه الحفل بتحضره الاميره والاميره تأخرت
طيب الاميره على عيني وراسي وشوفتها شرف لناا اكيد بس انتوا ليش مااعطيتونا مواعيد مضبوطه ليش ماخليتونا جالسين ف المدرج مع اغراضنا ليش ماتدونا جوالاتنا نكلم امهاتنا او سياراتنا ؟!!!!
يعني ماجاء وقت المسيره الا والنفسيه محبطه
بس الحمدالله بمجرد مابدت المسيره نسينا وفرحنا ودخلناا زي الطفل اللي بيدخل ملاهي
صح الحفل كان ساعه ونص بس مره حماس الاغاني الوطنيه وكلمة الاميره
وللمعلوميه والله العظيم وحده جالسه تصور سناب والبنات يتمايلون ع الاغنيه طيب كيف التفتيش حقكم وليش ناس تدخل وناس لااا مانبغى نصور نبغى نتواصل مع اهالينا وبس ..
انتهى الحفل ورحت اخذت اغراضي ف زحممممه فظيعه وطابور لاستلام الجوال يجيب الصغط والسكر
وعلى 12 ونص رحت لامي من باب الامهات وقابلتها في حاله يرثى لها ميته جوع وميته بررررد ولقيت سيارتي تنتظرني من 10 ونص ... ؟؟!!!
فقط سؤال مين المسؤول عن اللي حصل ؟؟؟!!!!
وليش مافيه تنظيم أكثررر ؟؟؟!!!!
وسلامتكم 💐💐💐