السلام عليكم ورحمة الله وبركاته .. :)
وعليكم السلام و رحمة الله و بركاته
انا طالبة تحضيري والتسكين ان شاء الله يوم السبت .. وانا مرررره حابه تخصص نظم المعلومات
بس عندي كم استفسار وان شاء الله تفيدوووني ..
1/ معدلي الترم الاول 84 . 3 وان شاء الله باحاول ارفع معدلي هذا الترم بس فيه واحده قالت لي معدلها العام كان 5 . 4 وما انقبلت حاسب ..!!! الكلام هذا صحيح او لا ..؟
خصي ع حسب الموزونة مو المعدل بس ان شاء الله تنقبلي ,, و انا معدلي كان زي كدا و انقبلت :)
2 / اذا تخصصت حاسب اول سنة اختار التخصص اللي ابغاه مثلا نظم معلومات والا اول سنة تكون عامة بعدين اتخصص ..؟
اول سنه تدرسي مواد عامه و السمستر الثاني تتخصصي , و كل مكان معدلك مرتفع تدخلي الاختيار الي انتي اختارتيه
3 / كيف دراسة نظم المعلومات بشكل عام ؟؟ أنا احب الحفظ اكثر من الفهم وسمعت انو 4/3 التخصص حفظ عشان كذا مررره اتمنى اتخصص نظم معلومات؟؟ وكمان ما ابغى تخصصي يكون ممل .. فهل تنصحوني بنظم المعلومات او لا ؟؟
في مواد حفظ و و في مواد حفظ و فهم و في مواد فهم :)
4 / ما مستوى صعوبة التخصص ؟؟
مافي شي اسمه صعب بس ممكن تلاقي ضغط و اذا كنتي مرتبه نفسك و جدول مذاكرتك ما حتلاقي صعوبة ان شاء الله
و في الاخير قسم نظم معلومات ممتع و حلو و الاحلى لما يكون استاذتك طيبيات و متفاهمين
اتمنى تفيدوني ربي يسعدكم مع كل الشكر مقدما