السلام عليكم اخواتي الغاليات ^___^
حبيت أقولك إنو اليوم أنا رحت للجامعة العربية المفتوحة بنفسي وسألتهم عن :
1. الطالبات الي دوبهم أتخرجوا من الجامعة مو مكتوب في الايقونة غير 2011 فأيش راح يسوو ؟؟؟
- قالولي إنو عادي تقدروا تسجلوا و تحطو على الايقونة 2011 بدل 2012 ويسير لمن تيجو تسجلو تقولولهم عدلولنا تاريخ التخرج وهمه راح يعدلولكم هيه على طول إن شاءالله .
2. طبعا اخواتي الغاليات أنا سجلت وطبعت الحمدلله الوصل .. المهم أيش سويت رحتلهم وقلتلهم انتو كاتبين في الورقة إننا لازم نراجعكم بعد مانطبع الورقة .. و قلتلهم كيف اسجل و متى راح ادفع الرسوم حقت 211 ريال ؟؟
- قالولي أول شيء حقت طباعة الورقة .. الي تسوو دحين انكم بس تطبعو الوصل ماتسوو اي شيء .. لأنو الأعضاء الي يشرفو على القبول و التسجيل ماهم موجودين دحين وراح يداومو بعد العيد .. يعني راح تيجو بعد العيد إن شاءالله بورقتكم الي طابعينها .. هتروحو بعد العيد للجامعة عشان تسجلو من تاريخ : ( 7 إلى 29 شوال ) ..
- وعلى موضوع المبلغ المالي ماراح تدفعوا اي شيء إلا بعد ماتشوف المشرفة أوراقكم بعد العيد ومنها راح تقولكم تدفعوا أو لا .. يعني لا تدفعوا لا 211 ريال ولا 5000 ريال إلا بعد ماتشوف المشرفة حقت القبول والتسجيل اوراقكم وبعدها هتقرر ..
إن شاءالله أكون أفدتكم يااخواتي الغاليات .. ^__^ و إذا عندكم أي إستفسار أنا في الخدمة
ملاحظة ( لا تنسونا من دعواتكم الصادقة في ظهر الغيب ليا و لجميع أفراد أسرتي في صلاتكم وسجودكم ووتركم والتراويح و التهجد ^__^ الله يسعدكم بس هذا إلي أبغاه منكم )