رد: الجميع مدعو اكتب تجربتك في الصيفي بموادك اللي انت اخذتها
السلام عليكم ورحمة الله وبركاته .....
توبه توبه توبه توبه توبه توبه منك يالصيفي مدري وشلون اقتنعت وسجلت صيفي والله نصيحة للجميع للي بس على وشك التخرج يسجل صيفي وغيره لا يفكر سلبياته كثصيرة إجابياته قليلة طبعاً يا اخوان عارفين ما تقدر تضيف اكثر من ثلاث مواد وبذلك المعدل سرييييييييييييييييع الحركة نزووووووووووووووول أو طلوووووووووع مثل مؤشر الإسهم السعودية في ايام النصبه الله لا يعيدها من ايااام ...
كانت موادي بحوث عمليات وعديتها الحمدلله والله يا اخوان مادة جداً سهلة ولا تخافوا وتسمعوا ترى وربي كله كلام فاضي وربي كانت عندي اسهل من بعض المواد النظرية التي مرت علي ...
سياسة عامة الله يخلي الدكتور فهد الحركان ساعدنا وما قصر ربي يحفظه عدينا والحمدلله ...
سلوك تظليمي قصدي تنظيمي وربي مدري ساعة اقول انا ما حليت وساعة اقول الدكتور ما صحح زين مدري وش اقول المهم جاني ابو جلمبو والحمدلله كنت انوي اعرف المعدل وللأسف نزل نزول ما توقعته بس الحمدلله والحياة درووووس ..
الخلاصة ابعدوا عن الصيفي بالذات في رمضان وربي الوضع ما يناسب والمعلومة التي نسمعها بأن الدكاتره يساعدون في الصيفي والله معلومة غير صحيحة خذوها من إنسان مجرب ...
اسأل الله بأن يجعلنا من المقبولين في هذا الشهر الفضيل وأن يختم لنا بخير وفي أمان الله وحفظه ودمتــــــــم بــــــود ...
|