طيب ممكن اسأل ايش هيا مجلاات الصيدله للبناات ؟؟
|
تاني أسبوع في الدراسه جانا دكتور شرحلنا عن هذا الموضوع
الصيدله مجالها مرررررررره واسع و تقدري تشتغلي في مجالات كثيره على حسب إنتي تختاري تكملي دراستك فين
على سبيل المثال ممكن تكملي صيدله سريريه و تصيري تشتغلي في المستشفى مع الفريق الطبي يعني تشوفي جرعات الأدويه تبع المرضى و أشياء زي كدا
ممكن تشتغلي في مصنع و هذي على حسب ما سمعت تتوظفي فيها بسهوله جداً
ممكن تشتغل في صيدليه يعني بشكل عام الأبواب قدامك مفتوحه بس أهم شيء ما تكوني تبغي توصلي فوق بسرعه
يعني ممكن مبدأياً تشتغلي في صيدليه و بعدها تتطوري و هكذا
وسؤال ثاني يعني احناا طواال دراستنا للصيدله ما نخرج من المبنى زي التخصصات الباقيه يروحو مستشفيات ؟؟
|
إحنا أثناء الدراسه يعني وسط الترم ما نخرج من المباني حقت الجامعه لكن في صيفين إجباري تشتغلي في مستشفى
طبعاً أغلب الطلاب يخلوها الصيف إلي بعد تالت و بعد رابع
غير سنة الإمتياز طبعاً
سؤالي الثالث انا سمعت انو البنات ممن يدرسهم دكتور ؟؟<< ممكن تشرحوها ليا يعني يدرسنا عن طريق شاشه والا ايش بالزبط ؟؟
|
إيوا ممكن يدرسنا دكتور و ما يكون عن طريق شاشه
يعني يدخل الدكتور و يدرسنا وجهاً لوجه
جميعاً يارب ^ــ^