[مروج مساوى]

بسم الله الرحمن الرحيم
جا الصباح وجات الأفكار بفضل الله - صباحكم طاعة ورضى وسعادة يااارب -
وجيت عشان اكتب لكم طرق مذاكرتي اللي نسيت أذكرها

..

الطرق بصراحة ما أخذتها من أحد هي تجربة وحسيت إنها بفضل الله
لكن ماهي طرق أخذتها عن أحد شفت ( أنا شفتني أذاكر كذا من أوليات من وأنا صغنونة )
والحمد لله بفضل الله ومنه وكرمه درجاتي حلوة

راح اكتب الطرق كذا كلام على بعضه ماراح أحطها بنقاط لأني مابعرف

أول شي طبعًا لازم أرفع صوتي وقت المذاكرة
وأشدد على المعلومة المهمة أكررها أكثر من مرة
و بأكثر من شكل ( صح وخطأ ، أختياري ، حتى الفراغات رغم انها مابتجي بس هي معلومة ولازم تدخل بكل الأشكال )
مثلًا ..
قال الملك فيصل عن والده : (العبارة)
أرجع أسأل نفسي مييين اللي قال أرد ع نفسي فيييصل ..
طيب لو قالت لي الملك خالد ..؟
أقول لها خطأ فيصل هو اللي قال كذا وكذا وأرجع أعيد العبارة
فطريقة سماع الصوت مع التكرار أحسها جددددًا مفيدة

وطبعًا المعلومة اللي أشدد عليها ( أؤشر عليها بالفلومستر )
عشان حتى لو ضاق وقت مراجعتي وأجي أقلب الصفحات بسرعة تجي عيني على المعلومة ع طول
وفعلًا كنت وانا بالسيارة أقلب بسرعة الكتاب واشوف المعلومات المؤشرة

..

وفي الثانوي كنت أستخدم طريقة ( الحين ماقدرت أستخدمها كثير للأسف لأسباب بيتوتية خخخخخخ )
الطريقة يمكن تضحكوا شوي عليها
وهالطريقة جات عفوية جدًا بس حبيتها وصرت أسويها دائمًا ..

أذاكر وأطالع ف نفسي في المرايا :)
مو عشان أطالع نفسي
بس أنا أحب أكون مكان الشخص اللي يشرح ، ولأن مافي أحد ممكن يجلس لي سويت هالطريقة
وعشان حركات شفايفي أشوفها وأحس إن قدامي وحدة وأشرح لها وأعيد
ولو مافهمت شي أو عجزت أحفظه بسرعة
( أجلس أعيد وأكلم نفسي مافهمتي حبيبتي عادي نعيد وأكتب المعلومة )
وكنت أوليات آخذ أقلام سبورة واكتب فيها ع المرايا س كنت صغيرة عاد
( أوصل لدرجة أخاصم نفسي لو سألت سؤال وجاوبت خطأ ) هههههههههههه
طبعًا مع حركات الوجه والتعابير تحسوا المعلومات تدخل بحول الله
وطبعًا في حياتنا اليومية نلاحظ إن الناس اللي تستخدم حركات اليد وتعابير الوجه ووو
تندمج معها وتاخذ منها معلومات بشكل أفضل

..

طريقة الربط بالواقع
المعلومة اللي تكون مكتوبة مرات يكون في شخص تنطبق عليه
فأربطها فيه
وطريقة الخيال ..
مرات أتخيل أتخيل لين أوصل إلى مالايُحمد عقباه ههههههههه
لا بس جد أشوفها طريقة جدًا حلوة

وطريقة الرسم اييييوة الرسم
ما أعرف أرسم قمة الفشل عندي في الرسم بس أرسم
رسم بسيط وممكن لو غيري شافه مايفهمه أساسًا بس انا أهم شي أفهم
أرسم شي أفهم أنا وش قصدي فيه
شي عجزت أحفظه
أرسم كل كلمة وأصير أتخيل الرسمة قدامي وكل رسمه وش الكلمة اللي سويتها عليها

( هذه ملاحظاتي وطرقي ما أخذتها من أحد فممكن تكون صح أو خطأ ممكن تفيد وممكن لأ ،
بس لما شفت إن هالطرق بفضل الله مناسبتني قلت أكتبها لكم
كلها بسيطة وعفوية وعادية جدًا )

طبعًا باللإضافة للخرايط الذهنية اللي أجمع فيها غالًبًا التعدادات
ومرات ما أسوي خريطة ذهنية س أجمع كم كبير من المعلومات أو التعدادات ..
في ورقة أو ورقتين


اممممم
إي في معلومة سمعتها وحبيييييتها وصرت أسويها بعض الأحيان
وهنو استخدام الأوراق الملونة في المذاكرة
الأصفر للحفظ
والأخضر للخرائط الذهنية
( إن شاء الله تكون هالمعلومة صحيحة أنا ملخبطة فقط في كل لون نستخدمه في شو )
س المهم الورق الملون مفيد :)


إن أصبت فمن الله وإن أخطأت فمني ومن الشيطان