السلام عليكم ورحمة الله وبركاته
وعليكم السلام ورحمة الله وبركاته ..
كيفكم اتمنى تكونوا في احسن حال وعافيه
طبعا موضوعي وقته شويا غلط عشان الناس في وسط شهر رمضان لكن سامحوني صراحه في شوية توتر وما اعرف ارتاح الا لمن اعرف الجواب عن كل اسئلتي
خذ راحتك إحنا هنا عشان نفيد ونستفيد ..
ولكن قبل هذا اسأل الله ان يعيننا ويعينكم عن صيام الشهر وقيامه وان يجعله في موازين حسناتكم وتكفير عن ذنوبكم
أجمعين إن شاء الله ..
الحمدالله انقبلت في كليتكم وطبعا زي اي طالب في السنه الاولى عندي اسئله واستفسارات كثيره بعضها لقيت جوابها من الاخوه الاعضاء وبعضها لا
واتمنى منكم تتحملوني عشان خبرتي قليله وآسف على الإطاله وكثرة الاسئله مقدما
نبدأ على البركه
حضرت الاسبوع الارشادي التعريفي با أقسام الجامعه وسمعت عميد كليتنا الدكتور يوسف نيازي يتكلم عن افتتاح قسمين جدد غير الجيوماتكس ويقول السنه الجايه او الي بعدها وحاب اعرف نبذه عنهم لو عندكم خلفيه
أعتقد قسم واحد فقط .. قسم التصميم الداخلي ..
وكمان انا داخل الكليه عن رغبه حمدالله يعني مو مجبور او معدلي مايساعد وبكون صريح معاكم عشان كذا حاس بحماس فوق الطاقه البشريه لدرجه اني حطيت جدول ب18ساعه لترم و18 لترم ثاني
وانا عارف اني بجيب العيد وبرسب في كل الي المواد فحبيت تساعدوني قبل الكارثه
وبالنسبه للمواد العامه لو ماقدرت اخلصها في اول سنه بتلحقني في سنوات التخصص صح ؟ وماشاءالله الاحظ بعض الاعضاء يعرفون مواد عامه كثيره وما اعرف من فين يعني هل من موقع الكليه ؟
المواد العامة لازم تخلصها قبل التخرج .. بس إحنا نفضل تخلصها بدري عشان تتفرغ لمشاريعك في الكلية ..
وفي سؤال خاص عن مادة phys281 هل ندرسها ولا خاصه لطلاب الهندسه ؟
أنا إلى الأن ما اعرف الإجابة ههههههههههههههههه ..
وبالنسبه لتخصص كيف اتخصص في قسم وهل يجب على الطلاب انو يعملو مقابله شخصيه او اختبار تحدده الكليه ولا مجرد كلام روتيني كما في موقع الكليه ؟ انا عارف نظرتي المستقبليه بعيده بس حاب
اطمن
لا القبول فقط على حسب المعدل والطاقة الإستيعابية ..
وحاب اعرف عن قسم الجيوماتكس وكم وقف معدله السنه الي فاتت يعني اقل طالب عشان صراحه شفت خطته وعجبتني المواد وكل الناس قالو ماله وظايف وجديد ولكن معليا خليهم في حالهم هوآ رغبتي ؟؟ وهل
المسمى الوظيفي هوا مهندس جيوماتكس او مهندس مساحه ؟؟
الحمد لله تخصصات الكلية لها وظائف إن شاء الله .. وبالنسبة للمسمى الوظيفي ما أقدر أفيدك فيه ..
وهذا جدول سويته على نصايح بعض الاخوان في المنتدى
الترم الاول
la121 >> مقدمة في تصاميم البيئة .. مادة سهلة وبسيطة بساعتين بالمعدل .. وما فيها مشروع ..
La141 >> العمارة والإنسان .. مادة سهلة وبثلاث ساعات بالمعدل .. وفيها مشروع ..
Ar190 >> مادة بأربع ساعات بالمعدل .. وفيها مشروع ..
Urp211 >> مادة سهلة كمان بساعتين .. فيها مشروع ..
isis101
arab101
16 hours
الترم الثاني
ar191 >> مادة بأربع ساعات بالمعدل .. وفيها مشروع ..
Ar210 >> مادة رسم حر .. بساعتين بالمعدل .. وبالنسبة للمشروع في المادة يختلف من دكتور لدكتور ..
Urp130 >> تطور البيئة المبنية .. دكتورها الدكتور عبد المجيد داغستاني .. المادة بثلاث ساعات .. سهلة وفيها مشروع ..
La222 >> تخطيط مواقع .. بساعتين بالمعدل وسهلة كمان ..
isls201
arab201 وفي فكرة اخلي العربي المستوى الثاني في الصيفي مع ثقافه المستوى الثالث
16 hours
حاب نصيحتكم ورأيكم الكل بدون استثناء وانا اتقبل جميع الاراء ومصيري ان شاءالله اتعلم منكم
يعني هل يوجد تضارب في الجدول هل الجدول ثقيل او هل احذف او اضيف ؟؟
جدولك جميل .. بس أنصحك تنتظر لأول يوم بالكلية .. لأن في خطة جديدة وما أدري هل حيطبقوها الترم الجاي ولا لا ..
وبصراحه انا خايف من قصة المشاريع الي في كل ماده اول مرا وخايف تخرب بيتي
المشاريع سهلة .. بس حاول تكون لك قروب من البداية تكونو سوا في المشاريع .. وحاول كلهم يكونو ناس تشتغل مو لعابة ..
وآسف على الاطاله وعلى الكلام الكثير ولكن حبيت اكون صريح عشان اسئلتي تكون واضحه وانا عارف ومقدر انو وقتكم ضيق واتمنى لكم التوفيق في دراستكم