[! سلطـــان !]

السلام عليكم ورحمة الله وبركاته

مساء الخير للجميع ،،،

مازالت جامعتنا العزيزة تتفرد باتخاذ قرارات فردية لا تراعي فيها مشاعر الطلاب وحقوقهم

ولا زلنا نحن الطلاب حبيسي مختبر تجارب عمادة التعليم عن بعد

لازم نكسر القيود اقلها بإيصال اصواتنا

رسوم هي الاعلى من بين جامعات المملكة ... خدمة سيئة جدا ... تكاليف يؤديها الطالب تكسر الظهر وتعمي العين من كثر مقابلة شاشة الكمبيوتر

انا شخصيا صرت البس نظارات طبية اذا جلست استمتع بالمحاضرات والمنتديات والواجبات والكويزات

شيبونا التعليم عن بعد قبل اواننا

راح ارفق لكم رابط مضمونه خطاب لمدير الجامعه وتوزع منه صور لباقي المسؤولين راح اسلمها لهم وراح احاول اقابل الدكتور عبدالرحمن اليوبي وكيل الجامعة للشؤون التعليميه واكتفي بإيصال الخطاب لمدير الجامعه لاني لو حاولت اقابله واتكلم معه راح يقول لي مثل ماقالي بالمرة السابقة معك توكيل رسمي من الطلاب الي بالخطاب ولكن نقول ان شاء الله الدكتور اليوبي يكون متفهم اكثر

،

،

،

في اخوان واخوات يقولون كذا افظل عشان تتقلص صلاحيات استاذ المادة بالدرجات بس لحظة بالله وفكروا شوي

الان 30 درجة بيد الدكتور الي يحب ينقص راح ينقصك سواء كانت 30 او 40 درجة ولكن الفرق لو انقصك من الاربعين نقول مثلا 10 درجات راح يبقى برصيدك 30 والاختبار النهائي 60 يعني لو فرضنا حصلت ع ال 60 كاملة المجموع 90 درجة

ولو كان التوزيع 70 / 30 ونقص 10 درجات يبقى برصيدك 20 درجة ويبقى عليك 70 درجة لازم تجيبها بالاختبار عشان تاخذ 90 ولا تنسون مع هذا التقسيم راح يكون كل سؤال درجتين وممكن درجة ونص يعني الخطأ بدرجتين احسبوها انتم

واتمنى تغيرون رأيكم وتشاركون معنا

،

،

،

نقطة اخيرة

هذا الخطاب لجميع الطلاب بجميع المستويات بنات وشباب

الي يقرى موضوعي هنا ينشر رابط الموضوع بالايميس لباقي الطلاب اتمنى فعلا هذي المرة نجمع اعداد كبيرة كبيرة كبيرة من الطلبه

كل ما كان العدد اكبر زادت فرصتنا بقبول طلباتنا والعكس صحيح

ويكفيكم تجربتي السابقة مع الدكتور عبدالاله ساعاتي عميد كلية رابغ سلمته استبيان خاص بطلاب كلية رابغ واعجبه جدا جدا ما ابالغ لو اقول انبهر بالطريقة الي فكرنا فيها ولكن تفاجأ بالاعداد القليله الي شاركت والنتيجة ما بقول كانت سلبيه ولكن بقول موب ع قدر الامال الي توقعناها

لذلك اتمنى نشر الموضوع بالايميس طلاب وطالبات بجميع المستويات

سنة تحضيرية خطة أ و ب بجميع شعبها

علم نفس بجميع المستويات

لغة انجليزية بجميع المستويات

ادارة عامة بجميع المستويات

ادارة اعمال بجميع المستويات

اتمنى نوصل الى 500 صوت واكثر

واتمنى كتابة الاسم الثلاثي كاملا وباللغة العربية لان البعض في الاستبيانات السابقة كتب اسمه فقط وتم استبعاده

نقول متفائلين ان الموقع يقفل من الضغط وهجوم الطلاب عليه

انا فكرت نحط جائزة للي يصوت من باب التشجيع

ولكن جميع الي يصوتون راح يحصلون ع جائزة اقلها جائزة معنويه وهي اثبات وجودة بالجامعه ولفت الانضار لنا وان هناك طلاب يدرسون بنظام اسمة تعليم عن بعد تابع لجامعة الملك عبدالعزيز

وان هناك عمادة اسمها عمادة التعليم عن بعد للاسف عبارة عن جسد بلا روح حتى يوم تدخل العمادة تحس انك داخل بيت مهجور نحاول نحييها بهذي الانتفاضة الطلابية من طلاب وطالبات التعليم عن بعد

،

،

،

هذي خطوة اولى للمطالبه بحقوقنا داخل اسوار الجامعه اذا ما شفنا اي تجاوب

ننتقل للخطوة الثانية وهي المطالبه بمساواتنا بباقي الجامعات

تخفيض الرسوم .... تخفيف الاعباء والتكاليف الدراسية وجعلها مثل جامعة الملك فيصل

يعني لا منتديات ولا اسئلة شائعه ولا كويزات وتطوير محتوى المادة القديم ووضع محتوى لباقي المواد الي مافيها محتوى الكتروني اصلا عشان ما نضطر نشري كتب بمبلغ وقدره تحسين السنترا ومشاكله

كل هالمطالب راح نتوجه بها لمعالي وزير التعليم العالي

خلاص طقت روحنا والله

والي راضي بهذا التقسيم وهذي الرسوم العالية وهذي المشاكل بالايميس والسنترا

وبالمقابل جامعة الملك فيصل تقدم افظل الانظمة واقل التكاليف وبنفس نسبة توزيع الدرجات وعاجبة الوضع اقول له الله يهنيك

هذا الرابط

http://fs22.formsite.com/sultan-uka/form2/index.html


.