[♥ ايمي الحلوه ♥]

ســلام عليكم
كيف حالكم ؟
ان شاء الله حلوين !

موضوعي اليوم عن قصه وصاحبة مثل اللي يبينا عيت النفس تبغيه







سالفة الشاعرة :
نورة بنت حوشان بن علي بن دخيل الله بن مدعث الحوشان من العونه من بني رشيد .
عاشت مابين أول آواخر ألف و ثمانمية إلى أوائل ألف و تسعمية .
هي شاعره يُشهد لها بكرمها و عطفها على الفقراء والمساكين بشهادة كبار السن وماينقلونه من اخبار عنها .


تزوجها عْبود بن علي بن سويلم الشلواني العازمي و جابت منه ولد و بنت و الولد اسمه - حوشان على ابوها - ‘
وفي رواية أنها جابت منه ولدين و بنت .
كانوا يحبون بعض حب كبير ، و في يوم من الأيام في لحظة غضب طلّقها زوجها بالثلاث يعني مالها رجعه ، تحسّر الرجال عقب ما طلقها و انقلبت حياته و الحرمه شالت عيالها و راحت بيت أهلها .

بعد طلاقها تقدمولها خطاب يبون يتزوجونها لأنها كانت مزيونة و من عائلة معروفة، لكنها رفضت الزواج بعد زوجها عبود ،
و في يوم من الايام كانت تمشي بطريق يمر بمزرعة زوجها و كان معاها عيالها و يوم مرت بمزرعته شافته وهو يسقي النخل إللي كانت في يوم من الايام غرسته و سقته معاه ، وقفت على أول المزرعة و راحوا عيالها يسلمون على أبوهم و نتظرتهم لين يرجعون . خذتهم و كملت طريقها و هي تهوجس بعبود وتتذكر أيامها معه و تذكرت اللي تقدموا لخطبتها بعد طلاقها منه و رفضها لهم ،


ثم قالت هذه القصيده اللي فيها بيت صار مَثل عند الناس من ذاك الوقت لين الحين ..


يا عين هلي صافي الدمع هليه وإلى قضى صافيه هاتي سريبه
يا عين شوفي زرع خلك وراعيـه هـذي معـاويـده وهــذي قليـبـه
منـول خلـي قريـب وأنــا أرجـيـه والـيـوم جيتـهـم عليـنـا صعيـبـة
إن مرني بالدرب ما قـدر أحاكيـة مصيبـة يــا كبـرهـا مــن مصيـبـة
اللي يبينـا عيـت النفـس تبغيـه واللي نبي عيـا البخـت لايجيبـه



يوم سمعت ام نوره قصيدتها ، قالت لها: يا بنيتي يوم انك تحبينه وشو له طلبتي الطلاق منه ؟؟
قالت :

احـبـه لـــو يطـبـخـن ثـــم يـشـويـن يـازيـنــه ويــازيــن لــمـــه وظــمـــه
ويازيـن قولـه (هيـه ويـش تبغيـن)؟ احلى من الورع المغاغي على امه



و إللي صار ف النهاية أنه نوره فضّلت العيش باقي عمرها
مع طيف من أحبته على أن تعيش مع ريال غيره ..



وسلامتكم