رد: هل هناك فرق بين تخصص الهندسه المعماريه وتخصص العماره ام ان الاختلاف في المسمى
لا مايحتاج الشكر يالغالي, قسوت شوي لان ابغى اوضح الفرق الكبير
للأسف وأنا خبرتي بالدول الخارجيه أكثر من المملكه من ناحية التخصص, طبعا المشكله وبالتحديد في مملكتنا هو المشاريع المقامه غالبا مالاحظت انه ماسكينها اجانب, من اليابان وغيره فبعض الاحيان متخرج المعماريه يحلم بالمشاريع الكبيره والتصاميم والشهره ولكن بلاحظ ان عمله بسيط جدا, المعماريه وقد تشمل انها عمل اجتماعي اكثر من انه تصميمي, لان كل مايكون لك صوت بين الناس كان أفضل, والمعرفه والاختلاط تفتح ابواب كثيره
المنافسه جدا قويه, والتميز افضل شي مطلوب عشان الشخص يكون مختلف وافضل من اللي حوله, قابلت ناس رواتبهم عاليه وناس رواتبهم نازله, لكن الفرق بينهم من ناحية الأداء والشغل كان مختلف بدرجه كبيره
شوف, التميز والاختلاف مطلب في كل تخصص, محنا زي بعض والناس درجات, من ناحية سهولة التوظيف فالهندسه بصفه عامه سهله ولكن, في ناس متخرجين من الهندسه وماتوظفو.. عندك صديقي من الرياض متخرج هندسه صناعيه من العام وقاعد يدور وظيفه بس نسبته ضعيفه 2.5 حواليها من 5 طبعا. لكن الحين لقى شركه تدرسه فتره وتشغله هنا في جده وقاعد يفكر, على العموم حتى في ناس في الطب العام مالقو مكان والحين يكملون دراسه شي طبيعي, والمعماريه في مملكتنا مخرجينهم مهندسين وجدا ماني عارف ليه بس اذا افضل للطلاب فافضل
بصفه عامه المجالات كلها زينه, من والى, ولكن المنافسه موجوده ومن احقية الشركه مطالبة الافضل, اذا اختيارك قائم على الرغبه والدراسه فهذا افضل شي, اذا لا.. فتعلم انك تخليه قائم عليه, والمستقبل محد يقدر يعطيك الاجابه عليه
------------------------------------
في خارج المملكه المهندس المعماري له مشكله في انه يحس بالتقدير, لان المعماري ماسك المشروع وتحته الكهربائي والميكانيكي وغيره, فيكون المعماري يحط المشروع كله والفريق الباقي يوظفون طريقة المعماري في اخراج الفكره, قريت مشاكل بين الاثنين قبل, طبعا انا مؤمن بأهمية كل طرف ولكن الناس والعميل مالهم خبرة من ناحية الهندسه في المبنى حتى بالكهربا وغيره, فاهتمامهم منظري وعملي, الرواتب تفرق من ناحية الخبره والافضليه وتفرق كثييييير جدا, ومجال المعماريه ككل كبير ومو شرط انه يكون محدود تقدر حتى تصير مستشار معماري, وهذا شي جدا مميز ^.^
|