[مشاعر]

الموضوع جا على الجرح
وأنا كمان سنة تأهيلية ونسبتي قريب من 94 يعني باجزاء من المية المهم ماعلينا
رفضونا في الجامعة وما اتكلمنا ونفسياتنا سارت زفت وسكتنا وسحبو دمنا ورضينا 8000 في الترم ليش بأدرس في امريكا ولا ايش
ولا بعد هدا كلو بس ادارة وعلوم ومشينا طموحنا ورغباتنا في وادي واحنا في وادي تاني وبرضو مستسلمين لكن هدا كلو كوم ولمن يطالعولنا كأننا حشرات هدا كوم تاني
والله انهم حتى الاستاذات ما يجيبولنا غير معيدات عشان خبرتهم قليلة لكن هما لو يعرفوا انو احنا مبسوطين مع المعيدات والله لا يشيلوهم من عندنا بس يبغوا يضايقونا وأسئلتنا زي الزفت في الاختبارات الترم الي فات خسفونا في الانجليزي بس عشان لا نحول
المهم احنا متحملين والشكوى على الله
لكن حكاية الرسوم والخدمات .............. يعني احنا دافعين فلوووووووووس يعني المفروض احنا نتحكم
والفلوس والميزانية حقت الجامعة الي بتقولوا انمو عليها ديون هدا كلو ليش من الاستاذات والدكاترة الي بيجيبوهم من بره
لا تقولولي خبرة......احنا بنعاني من بطااااااااااالة من العمالة الاجنبية في بلدنا
والله أمس قارئة في وحدة من المجلات وحدة عندها بكالريوس ادارة أعمال ماهي لاقية وظيفة
وحدة بكالوريوس فيزياء في الرياض تخدم في البيوت عارفين ايش يعني فيزياء وتخدم في البيوت
وبعدين لمن احنا رضينا انو ندفع للتأهيلي مو عشان آخد الشهادة وأعلقها في المطبخ وأطالع فيها ولا عشان أحطها تحت المخدة وأنام عليها عشان أمثل شيء في المجتمع عشان أخدم البلد
لكن والله ثم والله ثم والله انو الفلوس كللللللها عند الأجانب
يعني لو يطيروهم كل المشاكل تنحل البطالة والميزانية ترجع وكل شيء يمشي
ولو كل واحد يدرس في بلدو يسير في مكان وكلللنا ندرس يعني اهل مكة في جامعتهم وأهل المدينة في جامعتهم
يعني في كل منطقة في جامعة
بصراحة (الزيت ان عازوا البيت يحرم على الجامع )
يعني المفروض يغطوا حاجة أهل البلد بعدين نطالع بره
ومعليه على الاطالة

مشاعر