[ميتوكندريا]

ياحلوين...
1- بالنسبة للفرق بينهم- اللي في السليمانية تبع كلية الاقتصاد المنزلي من زمان موجود فيه هذا التخصص ويعني مجهز ..تقريبا لكل استديو من 12_10 بنات .. في الدفعة الواحدة يقبلوا اكثر شي 30 بنت فقط.


اما فرع الرحاب حيكون تبع كلية التصاميم والفنون بس سمعت برضو انو لسى مو مجهز لانو جديد عندهم

2- الدراسة بالعربي بس لازم تتعلمي انجلش عشان لما تتخرجي وتشتغلي ..

3- فيه اختبار قبول قبل التخصص كتبت الاسئلة اللي جاتنا قبل فترة في موضوع فتشي عنه.
4- هما يطلبوا 3,5 بس طبعا حسب الدفعة يعني في الاخير حياخذوا المعدل الاعلى حسب البنات اللي قدموا .
5- اول سميسترين حيكون مانوال يعني رسم باليد اما الباقي حيكون بالكميوتر اتوكاد و3d
6- ترا هذا التخصص كرف وشغل يعني يبغالو صبر لانو ياخذ الوقت كلو في الشغل عشان كذا ماتشوفي احد من بنات التصميم في المنتدى.
7- بالنسبة للمواد اللي ندرسها : استديو التصميم الداخلي وهو عبارة عن 6 استديوهات ..في كل سميستر استديويعني 6 سميسترات في التخصص .. في هذي المادة يكون المشروع الرئيسي يعني
استديو 2 مثلا مشروعنا " سكني " فيلا ونصممها واستديو 3"اداري" زي شركات وحتروحوا الشركة عشان تشوفوها وتاخذوا مقاسات وزي كذا واستديو 4" تجاري" تختاروا واحد من المولات وتروحوا وتشوفوه بنفسكم وتصمموه واستديو 5 رسومات تنفيذية لمشروع التخرج في استديو 6.

فيه مواد تانية عملي برضو زي رسم معماري ونظريات لون ..ووووغيرها وفيه مواد نظري زي تاريخ اثاث وتصميم داخلي و تقنية خامات ونظريات ووو...غيرها

و فيه تدريب صيفي حيكون في الاخير في احد المكاتب الهندسية..



بالنسبة ليا وفي وجهة نظري ... هذا التخصص حتى لو كان متعب شويا لكن ممتع لانو برغبتك تدخليه اولا وثاني
شي تشوفيه في حياتك كلها وفي اي مكان ..كمان الحلو فيه في اشياء ميدانية نروح مصنع جوتن ونروح لايكيا وفي بنات تخرج اعرفهم راحوا مع الجامعة للرياض واللي كان مشروعهم مطار الملك خالد راحوا بنفسهم المطاروالمشاريع اللي نسويها تكون لاماكن حقيقية سواء فيلا او مول اوغيره هيا صح ماتتنفذ لكن تعتبر انجاز بالنسبة ليكي وكمان فيه ملتقى التراث الوطني للامير سلمان يكون فيه مسابقة بين كليات العمارة في المملكة زي تصاميم البيئة وسعود وغيرهم وكليتنا معاهم.. اللي يشتركوا فيها عندنا بنات التخرج بمشروعهم والحمدلله 3 مرات ياخذ القسم جوائز مرتين بالمركز الاول ومرة بالمركز التاني وباقي بنات الكلية يكون حضورهم اجباري في الملتقى ... يعني في اشياء تحمسك وتحسسك بقيمة اللي تدرسيه