[بشائر الفرح =)]

Surgery


الجزء النظري :
حوالي 10 محاضرات تقريباً
منها :
1- Jaundice
2- Esophageal motility disorders
3- Intestinal obstruction
4- Anorectal disorders
5- Acute abdomen
6- Goiter


المرجع :


- المحاضرات نفسها
- الكتاب

كرنت الكتاب المعتمد من القسم للفهم والتوسع

- ممكن تذاكروا من ملزمة العمده لإنه جامع المعلومات كلها ومرتبها شويه هوا مايفهم قد مايحفظ ويرتب المعلومات تحت بعض عشان كذا بيفيد وقت الإختبار

جزء الكلينكال :

اللي هيا الهستوري والإكزامنيشن
حتذاكروهم من الآتي :

كتاب براوز

- كتاب القحطاني
- كتاب شير

شوفوا هو براوز نفس القحطاني
اللهم القحطاني مختصر أكثر ومركز وبراوز شامل ومليان صور
صراحه حلو براوز وطريقة عرضه جداً جميله
اللي بأوصله اعتمدوا ع كتاب واحد ولا تشتتوا نفسكم

شير يفيدكم ف إختبارات الأوسكي اللي ف الأخير وفي بعض مواضيع الجراحه كمان لإن مغطي كل النقاط المهمه ف الباطنه والجراحه

- كل سيشن حيكون له عنوان خاص فيه
حتقابلوا ف الجراحه أكثر من سيشن بيحمل نفس العنوان
خاصةً عنوان Abdominal cases
ف هذا السيشن حاولوا تشكلوا ف الكيسيز اللي تأخذوها قد ماتقدروا عشان تستفيدوا
يعني مره واحد ياخذ كولسيستايتس
ومره أحد ثاني يأخذ كولن كانسر
ومره أحد ثالث يأخذ أبندسايتيس وهكذا

العملي :

نفس فكرة الباطنه بالتمام ف الأكتف وإلإن أكتف
الفرق إن توزيع المحطات بيختلف يعني ف الجراحه جانا ثلاثه ستيشنز إكزامنيشن ووحده هستوري


نصائح عامه للماده
- المعروف إن الجراحه أسهل من الباطنه ونوعاً ما أبسط منه بس يحتاج تكونوا فاهمين أناتومي كويس
- ذاكروا أول بأول وحتحبوا الجراحه
- ارسموا ف الجراحه الرسم يثبت المعلومه
- الكومن ضروري تحفظوه زي إسمكم
مافيها كلام اللي مايذاكر كومن حيضيع على نفسه شيء كثير

آخر شيء

نصائح لليدر وللقروبات :

تعرفوا إن الدفعه كلها حتتقسم لقروبات صغيره
وكل قروب صغير حيكون عنده ليدر وسب ليدر

نصيحتي لليدر :
الليدر يحتاج يكون شخص صبور, متحمل للمسؤوليه , متعاون , تكون علاقته كويسه بكل أعضاء القروب ويعرف لحد ما مين يجي بدري مين يتأخر مين عنده ظروف وهكذا
يأخذ رأيهم ف الأِشياء المهمه واللي تحتاج أخذ رأيهم جميعاً
أما الأمورالروتينيه واللي تصب ف المصلحه العامه فما تحتاج
والسب ليدر يده اليمين يساعده ف كل المهام اللي يحتاجها
الليدر بالتنظيم يقدر يوفق بين مذاكرته والمهام المطلوبه منه كشخص مسؤول وهي غالباً مقدور عليها يعني مو هذاك الشيء اللي يشغل الواحد , كله بالتنظيم يمشي 

المهام :
ينسق الجدول إذا إحتاج تنسيق
يتواصل مع الدكاتره
مسؤول عن تحضير القروب
يحجز كلاس لقروبه ( ممكن الحجز يكون بينه وبين السب ليدر أوحتى أحد أعضاء القروب )
يكون المسؤول وف وجه المدفع دايماً
بس زي ما إنتوا شايفين مو شيء صعب :)


نصيحتي للقروب :

أهم حاجه ف كل قروب إنهم يكونوا متعاونين وقلوبهم على بعض
- يعني يعطوا فرصه لكل عضو ف القروب إنه يقدم كيس مو يسير شخص واحد هو اللي يقدم كل يوم
- يحضروا ويذاكروا ويجتهدوا , الحضور مهم جداً ف نظر أي دكتور حتى لما تحتاجوا سيشن إضافي وتكلموا الدكتور في دكاتره كثير متعاونين ويحبوا يشرحوا بس كمان يتضايقوا لو مالقيوا كل القروب حاضر !
- يتعاونوا مع الليدر والسب الليدر





وبكذا أقدر أقول إنكم خلصتوا سنه رابع بالسلامه
وتنتقلوا بعد كذا لخامسسسس وتحسوا إنكم كبرتوا أكثر هههه
أتمنى لكم التوفيق من كل قلبي

وسامحوني على العجله اللي ف الموضوع :/
إن شاء الله تستفيدوا منه ويسير عندكم فكره عن سنتكم الجميله

كمان حاولوا تقرأوا الموضوع وقت الدراسه أو وقت المواد نفسها اللي كتبت عنها لإنكم حتفهموا قصدي أكثر
خاصه الميدسن والسيرجري

أي حاجه ماهي واضحه أو حابين تعرفوا عنها أكثر
تحت الخدمه لأي سؤال أو إستفسار

تم
الحمد لله رب العالمين
إدعولي معاكم