اخوي الغامدي ,, انتقادك اتقبله بصدر رحب :) ,, لكن اسمحلي ارد عليك في كم نقطة..
النقطة الأولى:
لكن تمنيتك تعطي تخصص العماره حقه لانك بصراحه ظلمته وبينت للقارء ان تخصص عماره البيئه افضل من تخصص العماره
|
لو لاحظت بداية الموضوع كتبت انه السبب وراء كتابة الموضوع هو انه الكثير ما يعرف تخصص عمارة البيئة
أو ما يعرف الفرق بين العمارة و عمارة البيئة
طبعا تخصص العمارة غني عن التعريف و أي شخص يعرف عنه,, المبهم لدينا و في مجتمعاتنا هو عمارة البيئة
و هذا هو السبب اللي خلاني (أسلط الصوء) على عمارة البيئة، و مو القصد اني اقلل من العمارة
و هذا الشي قلته في آخر الموضوع اني ما اقصد اقلل من العمارة لأنه تخصص عريق.
النقطة الثانية:
الميول و الرغبه والله العظيم اهم شئ احنا ترى محتاجين في هالفتره لمثل هذي المواضيع منكم كطلاب خبره ولاكن الله يرحم والديكم لا تقارنون بين التخصصاات اتركوا هالمهمه للطالب بنفسه لا تشوشون علينا تكلم عن تخصصك ولا تقاااارن .
|
الميول و الرغبة ماحد يختلف انها أهم شي، لكن تقدر تقولي إذا انت ما تعرف أي تخصص غير العمارة، كيف حتكون رغبتك عمارة بيئة أو تخطيط أو جيوماتكس ؟؟؟
عمل المقارانات هذا شي مهم لأنه كل شي في الكون له ايجابيات و سلبيات لكن تعتمد على نظرتك انت للشي هذا، اذا شايف انه ايجابياته تخليك تغض الطرف عن سلبياته أو العكس.
المقارانات لشخص ما يعرف عن التخصصات مهم، لأنه يبغى يعرف مميزات و عيوب التخصص، يمكن أحد عيوب عمارة البيئة تخليه يبطل في كل ايجابيات التخصص هذا.
النقطة الثالثة :
اما بالنسبه لقولك اخي الكريم: ان راتب معماري البيئه افضل من راتب المعماري هذا ايضا خطأ لانك ما تدري المعماري وين بيتوظف حتى تحدد له راتب وتقارنه بغيره .
|
كلامي بالنسبة للرواتب ما كان اجتهاد أو مجرد تخمين، الشركات الكبيرة أمثال (زهير فايز، سعودي اوجيه، بن لادن، و غيرها) روح اسأل بنفسك عن المعماري كم راتبه و معماري البيئة كم راتبه، تلقى معماري البيئة اعلى.
الفكرة مو انه معماري البيئة أحسن,, الفكرة وضحتها في موضوعي و هي انه التخصص مرغوب الان و مافي كوادر
و مافي اجانب يؤدون هذا العمل براتب اقل، فتضطر الشركات الكبيرة انها تدفع زيادة. :)
النقطة الرابعة:
وبعدين اطلعوا ياااا رجاااال من مسأله الرواتب لان رزقك مكتوب والارزاق بيد الله وما بتموت جوع
|
أخيرا، ما كان تطرقي لهذا الموضوع إلا لأنه جاتني رسالة على الخاص من شخص، يبغى يعرف هذي الأمور، و انا اعطيته اياها بكل وضوح.
أتمنى تكون فهمت وجهة نظري,, و زي ما قلت الانسان مو معصوم من الخطأ
جزاك الله خير على انتقادك البناء، و اكيد في المواضيع الجاية أستفيد من انتقادك :)