[على العهد]

المشاركة الأصلية كتبت بواسطة ابو مساعد علي العهد ... مع احترامي لك انتي ماتعرفين الدكتور دانيال على حقيقته بكل ماتعنيه الكلمة هو انسان مزاجي وعنصري حصلي موقف معاه بعدما حصلت عنده في احد المواد على 57 - بعدين سألت الطلاب الناجحين حصلته دف كل طالب 6 درجات واروح عنده واكلمه بأدب واحترام وقلي بالحرف الواحد صح انا زودت الطلاب بس انت مستواك لازم تعيد المادة وقيس على هذه الامثلة كثير اعرف طلاب خريجين جلسهم على مادة واحدة في الترم لكن مالنا الا الله ....

ابومساعد ادري والله ان الحركه مو بس تقهر الا تموت من القهر ..
لكن مالمت نفسك ولا واحد في الميه انك جايب هالدرجه يعني هل العيب منه انه ماكان يعرف يشرح والا العيب منك لانك مااجتهدت في الماده!!! يعني ليه تحط نفسك في موقف دفني بكم درجه عشان انجح مو كان احفظ لكرامتك انك من البدايه تشتغل عل نفسك وتجتهد وتوكل عل الله ..
انا عن تجربه كنت اشوفه احسن من غيره في الشرح .. واسئلته من الشرح حقه مو منن السلايد او الكتاب يعني ماكان عليك الا انك تحضر وتكتب معاه..
تسمحلي بس حط نفسك مكانه تداوم تعطي من قلبك في الشرح وبونس واسئله ماهي خياليه وفوق هذا تلاقي طلاب عندك جايبين درجه مو كويسه مو انت اللي رح تنقهر انه ليش يعني .. تحسب الدكاتره ينبسطوا اذا كان معدلات درجات الطلاب سيئه لا طبعا لانهم رح تضر بسمعتهم قدام الدكاتره الثانيين وكأنهم ناس ماتعرف تشرح ..
عموما انا مامدحت في شخصيته وماهمتني شخصيته سواء كان مزاجي طيب شرير انا اللي قلته انه انسان فاهم وعني عن البنات اللي اعرفهم اعطانا حقنا في الدرجات وزياده..

عموما اشكركم عل المرور وبالتوفيق للجميع ^_^