من منطلق مابني عليه هذا الصرح العظيم في مساعدة بعضنا البعض
يوجد معهد في جده- ويوجد في الرياض والخبر- موجود بس انا بتكلم عن اللي في جده اسم المعهد (معهد نسما للتدريب ) هذا معهد في جده يعقد دورات لغه انجليزيه-وتوجد دورات كثيره حاسب الي ..سكرتاريه ..الخ - ومجاني يتطلب فقط بطاقة الاحوال وتعريف سكن من عمدة الحي. 6 مستويات كل مستوى شهرين نظام الحصص يومي من الاحد الى الخميس كل يوم 3ساعات من 5عصرا الى 8مساءا وكل يوم خميس اختبار المدرسين اجانب وعلى كلام الشباب اللي قابلتهم هناك قالوا انه جداا ممتاز التقديم عن طريق هذا الرابط http://tc.nesma.com/ يتم التقديم عن طريق هذا الرابط وبعدها راح يتصلون عليك ويحددون لك يوم للمقابله الشخصيه -الهدف من المقابله على كلامهم توجيهك للمسار الصحيح وتحديد ميولك ورغباتك بما يتناسب مع وضعك .طبعا الشهادات معتمده ايضا بس لكثرة الطلاب اللي يقدمون وياخذون مستوين او ثلاثه ويسحبون غيروا النظام الى انه لايمنح الطالب شهادة الا بعد اجتيازه سنه وحصوله على 6 مستويات مع العلم انه اضافوا هذا السنه مستوى الصفر - يؤهل اللي لغتهم ضعيفه من البدايه ومدته شهرين ونص ويواصل بعدها الطالب 6مستويات . انا حاليا اجتزت المقابله الشخصيه وفي انتظار رساله لتحديد متى تبدا الدراسه .
ملاحظات :
1- لايهم ان كان الطالب موظف او غير موظف للجنسين طبعا .
2-الالتزام بالمواعيد مهم جداا وحيث ان غياب 25% من الحصص يعرض الطالب للفصل .
3-جميع المدرسين غير ناطقين للغه العربيه .
هذا رابط الموقع حقهم ويوجد فيه ارقام الاتصال ومكانهم لكل مدينة http://cutt.us/tM3K
4- حاولت ادخل على الرابط للتسجيل طلع لي انه مقفل ومدري متى بيفتحون التسجيل اللي يبغا يتصل عليهم ويتاكد منهم بالضبط متى .
وبالتوفيق للجميع وانصح الجميع بالتسجيل فيه وهو جداا ممتاز لتطوير اللغه واعتبرها فرصه ذهبيه لمن يبحث عن التعلم واي استفسار انا جاهز ولاتنسونا من دعواتكم :)