السلام عليكم
ان شاء الله تكونو في تمام الصحه والعافيه
بنات الي سار اليوم انا بقوله على حسب جدولي ولا تضايقو لانه ما نزلنه في موضوع لحاله لانه اليوم من جد كان متعب من غلط في المبني والقاعات الي تتم فيها المحاضره
انا وصلت الجامعه ورحت سئلت عن قاعت الرياضيات لانها اول محاضره عندي
وبهد نص ساعه معافره وتدوير على القاعد حتى تم العثور عليها
اول محاضره رياضيات :
ودخلت المحاضره وكانت استاذة الماده ايمان من جد عسل وشرحت في الرياضيات وقالت انه اغلب اسئله اختياري او صح وغلط وكمان مسموح دخول الة الحاسبه في اختبار الرياضيات وتكون مو مطوره زياده عن الزوم عشان لا تتعبو في الاختبارات وقالت بعدين راح تحل معانا التمارين وتعطينه نماذج لاسئلة الاختبار اما على الحذف فهيه الين دحين ماتدري بس قالت راح تقول اذا فيه حذف او لا واستمرت في الشرح حتى انتهت المحاضرتين عندها وكانت كل نقطه دعيد وزيد فيها وتقول اذا ما فهمتو شي قولو او تعالو عندي وانا اساعدكم <<< من كلامها افتكرت ابلتي في الثنوي
وكدا انتهت محاضرة الرياضيات
تاني محاضره انجليزي :
نجي عند المحاره الي بعدها الي من جد انا تعبت فيها تخيلو مره يقولو هي في غرفه 506 ومره يقولو 410 وبعد التعب الي سار حضرت المحاضره الماده الغتيته بنسبه عندي والي هيا انجليزي <<<بنات اسفه على كل الي يحب الانجليزي بس انا من جد اكره انجليزي وكنت خايفه منه ومن الرياضيات بس بعد الشرح ممكن تكون هانت الماده وسرت خايفه من الانجليزي اكتر
انا حضرت على نص المحاضره عشان كدا ما ادري اي شي عن كتابه وشرحت على خفيف وكانت بس تشرح القاعدات على السريع وتحل التمارين وانتهت المحاضره
ثالث محاضره الثقافه الدينيه :
اما المحاضره الاخير اما هادي تعبت فيها تعب لانه ابعد مبني عندي في المبنى 9 وكان الي محاضرة الثقافه الاسلاميه الاستاذ مازن ويشرح على الشاشه واحنا نسمع له وهو يقرء من الكتاب وقال انتبهو مو تجو تحفظو بس العناوين والتفرعات والتعاريف لا لازم تنتبه على الكلام مزبوط لانه الي في السنه الي فاتت ما ضيعهم الى هدا الشي واعطانه ايميله والتحويله حقت مكتبه عشان الي استفسار وانتهت المحاضره على خير وسلامه
وكدا انته اليوم الاول من الدوره التأهيليه
<<< بنات انا سئلت اذا اقدر احضر اي محاضره في اي مبنى قلو عادي بس اهم شي في الاختبارت تكوني بنفس شعبتك
بس ان شاء الله اكون افتكم بلي اقدر عليه في اول يوم متعب
بنات اي استفسار انا اقدر عليه راح اجاوب عنه