[بيو كيميائية ^_^]

المشاركة الأصلية كتبت بواسطة nsmr بيو كيميائية ماتقصر >< الله يوفقك بإختباراتك وتأخذي درجات عالية يااارب احم جدولي17 ساعه فيزيائية تحليلة طاقة تنظيم ايض مصطلحات ثقافه 4 و عربي 2 رآيكم وكمان استاذة التحليله مرا مايمدحوها حقتنا واسئلتها مقالي :( وفي بنات رسبو معاها كمان مرا خايفه اخذها اللحين ولا اخليها اخر شيء

آمين يارب جميعًا

الجدول مو صعب بس حتنضغطي شوي عشان التحليلي دسم شوي

و إذا عشان أسئلة الدكتورة مقالي هذا لا يعني إن الدكتورة مو كويسة كثير شفت ناس يذمون الدكتورة بس عشان المقالي فلا تسمعي كلام البنات

شوفي دامك حتذاكري كويس محا ترسبي طبعًا أغلب اللي يرسبون يا يحفظون من غير فهم و الأسئلة تعتمد على الفهم أو ما يذاكرون

و إذا ما تعرفين تكتبي مقالي دربي نفسك

لما تاخذي نوتات في المحاضرة قد ماتقدري حاولي تكتبيها بالإنجلش و دوم أكتبي معاها

كمان في وقت المذاكرة إفهمي و أكتبي بأسلوبك حتسي نفسك بعدين متمكنه

و إذا حتأجليها حطي بدالها شيء ثاني عشان لا تتأخرين

بالتوفيق يارب