[LeLou]

هنا التكاليف بعد التصحيح + مفتاح الإجابات الصحيحة..

//

الأخطاء الشائعة:/

في السؤال الأول كان تحويل الأفعال للماضي..
و كن بعض الأفعال قبلها not..
اللي لاحظته في ناس كتبوا:/
not wanted
المطلوب انفوا الفعل..
not مع النفي لازم نحط لها did,,
يعني الجواب الصح:/
didn't want
or
did not want
طبعًا ما تفرق لو اختصرناها أو لا لأنه الكلام غير رسمي عمومًا..
و أنا ما كنت أحاسب على دا الشي هي اللهم معلومة لكم عشان مستقبلاً..
لو جيتوا تكتبوا بحث أو essay أنه أبدًا ما تستخدموا الاختصارات..

//

كمان أنا ملاحظة أنه في عندكم علة مو قادرة أفهمها في تكوين الأسئلة..
بصراحة مو قادرة أحدد بالزبط أيش اللي مو فاهمينه في دا الموضوع..
تكوين الأسئلة من أساسيات اللغة،، اللي لو درستوا إنجليزي كويس ح يدرسوكم هو في أولى أو ثاني إبتدائي بالكثير..
أتمنى أنه اللي عندهم مشكلة فيه يشتغلوا على نفسهم عشان يحسنوا دي النقطة عندهم..
دا اللي خلاني أصر و أصمم في كل واجب على سؤال تكوين الأسئلة بعد اللي شفته في المضارع البسيط..
حتى اتجاهلت موضوع الإجابة ع الأسئلة لأنه أبغاكم أقل شي تتمكنوا من تكوينها..

أتمنى تشوفوا دا الرد:/
http://www.skaau.com/vb/showpost.php...64&postcount=3
هو كان سؤال للعضوة roo7 aboha و جاوبتها و أتمنى أنكم شوية تاخذوا قاعدة أو تتمكنوا بعض الشيء من تكوين الأسئلة..
كمان راجعوا استخدام أدوات الاستفهام اللي في المضارع البسيط..

ممكن أحط لكم في الدرس الأخير قواعد عامة لتكوين الأسئلة إن أسعفني الوقت..
لكن ما أوعد بصراحة :$
لأنه الدرس للأمانة لسا ما اكتمل للآن..

موفقين في آخر واجبين متبقيين و أتمنى أنكم تكونوا استفدتوا من الدورة||~