اخ عزوز ماشاء معدلك عالي لدرجة كان يمديك تخش طب
انا رغبتي هيا تقنية المعلومات لكن المعدل قبول الكلية المنخفض محبطني
اتمنى تقلي تجربتك
|
اولاً، أتفق معاك ان معدل القبول محبط، لكن الدراسة اقدر اقولك مرهقة جدداً وبتلاحظ الشيء هذا من اول ترم لكنها امتع (بحكم أنه شيء انا ابغى اتخصص فيه)..
بالنسبة للكلية فهي معترفة اكاديمياً من ABET من عام 2013، وفريق البرمجة عندنا اخذ الثاني عالمملكة، وفريق الـSecurity أخذ الرابع عالعرب، وهذي كلها مؤشرات ايجابية للكلية.
بالنسبة للدراسة، هي صعبة لكن ممتعة اذا حبيت المادة.. طبعاً بإستثناء كم مادة..
ثاني شيء، اذا كنت تشوف ان معدل القبول منخفض، ومعدلك اعلى بكثير، فيمديك تاخذ الشيء هذا بإيجابية أنه يمديك تكون مميز جداً على الدفعة اللي انت فيها
ثالثاً، ممكن السبب ان المعدل حق الكلية نزل، لإنهم شالوا مادة الحاسب من النسبة الخاصة.. حيث انها كانت مادة سهلة + اضافوا مادة الرياضيات اللي تعتبر اصعب من مادة الحاسب بكثير.. حيث أنه لازم تجيب فوق 75 بالرياضيات ولازم فوق 80 بـ انجليزي لفل 4. (لفل 1 - 3 ما تهم بالنسبة الخاصة) طبعاً هذا مو عذر انه معدلها طايح لكن هذا سبب نزول نسبتها عن الدفعات اللي فاتت.. وفيه اكثر من واحد ما شاء الله كان يمديه يخش صيدلة وهندسة وغيرها واختار الحاسبات، وطبعاً فيه كثيرين والحاسب بجهة وهم بجهة وماسلموا من الـF