[أبوايلان]

بالنسبة لسؤالك يااختي فالعلاقة
بين الأخصائيات والفتايات الكبيرات على الأغلب علاقة أخوة وصداقة
وطبعا حسب شخصية الأخصائية ....


وبعد التحقيق مع الأم اتضح أن ابنها الذي تحمله في أحشائها
ليس بشرعي وفعلا ليس ابن الزوج وقد حملت به أثناء
ماكان زوجها في السجن وكان ادعاء الزوج
صادقا لكنها أصرت على أن الابنين الآخرين الأكبر سنا
هما من زوجها ولكن الزوج شكك فيهما وقال أخشى أن لا
يكونا ابني وكان فحص الدي إن أي هوالحاسم
حيث اتضح فعلا أن الابنين هما للزوج ولكن الزوج حتى بعدما تأكد
أن الابنين له لم يأت ويصطحبهما معه وتركهما في الدار
وبعد عدة اشهر ولدت الأم بمولودها الأخير وهو غير شرعي وأحضر
للدار عندنا وأعتقد أنها سجلت تنازلا عنه ألكني لست متاكدة من ذلك
خاصة أنها مازالت تقضي عقوبتها وربما بعد غنهاء العقوبة تأخذه معها ....
وكان يأتي والدهما فقط لزيارت ابنيه ويحضر معه أحيانا والدته وكانا يذهبان هما
كل أربعاء لزيارة والدتهما في المؤسسة وكان قد حكم على الأم بالسجن
لأكثر من عشر سنوات و كان الابن الأكبر يسأل كل يوم
عن يوم الأربعاء ومتى سيأتي الأربعاء وكم بقي يوما من أجل الذهاب لوالداته
في المؤسسة وبعد عدة أشهر أصبح لا يسأل عن أمه ولا عن وقت زيارتها
وبعد مدة أصبح يرفض زيارتها ولا يذهب إلا بعد عدة محاولات بينما كان الأصغر سنا
لا يعرف شيئا ولا يقل اي شيء ولا يعترض على اي شيء
بعد مدة أخبرت الجدة الأخصائيات بأنها ترغب في حضانة الطفلين وتريد
أن تخرجهما من الدار وأن تحضرهما للعيش معها ورحبن الأخصائيات بهذه المبادرة
خاصة أنه لا جدوى من بقائهما في الدار وأنه ليس لهما ذنب فيما فعلته والدتهما
فوالدهما بتركه لهما في الدار كأنه يعاقبهما على ذنب لك يرتكباه ...
بعد مدة أصبحت الجدة تتهرب وتتأخر عن زيارتهما كذلك الوالد أصبح يقلل من زيارته لهما
والطفلان انسجما في الدار ولم يعودا يسألا لا عن والدتهما ولا والدهما ولا حتى جدتهما
مرت الأيام وكبر الابنين الأول دخل التمهيدي ونجح بتفوق وبعدها دخل المدرسة
والثاني أيضا كبر ومرت الأيام وانتقلا لدار أخرى وام أعد أعرف الكثير عنهما
لكن إلى وقت قريب مازالا في الدار ولم يأت الأب لاصطحابهما ولا الجدة ولم تنه
الأم عقوبتها ومازال ابنها غير الشرعي موجودا فكان الأخوين الشرعيين يدركان
أنهما أخوين ويدافعان عن بعضهما ويقيما في نفس الأسرة ويناما في نفس الغرفة
بينما الابن غير الشرعي يقيم في أسرة أخرى .....






اقتباس:
من بدايه طرحك للموضوع وأنا متابعه بصــمت .. متعجبه ومتألمه من كل حرف كتبتيه .. صح نسمع بمشاكل وبلاوي كثيرهـ لكن مثل الي قريته هنا ,, فوالله ماشفت .. في كل قصة تطرحينها تجي
فبالي قريبه لي .. كفلت بنت من الدار وربتها وكنت طوووووول عمري افتكرها بنتها إلا يوم كبرت وفهمت الأمور وعرفت إنها مو بنتها انصدمت صدمه ..وبكيت وماادري ليه بكيت.. بنت قمه بالاخلاق والأدب تنحب من القلب ..

اذا تكفلت بطفل أو طفله مثلا.. هل يحق لها العيش معي طول العمر ؟ ولا في فترهـ معينه لابد ترجع فيها
للدار ؟ وأذا لاسمح الله( توفيت) هل يحق لأهلي أخذ الطفله وتربيتها ؟ مع العلم .. إن أختي (مثلا) رضعتها وأصبحت أنا خالتها أو أخت زوجي رضعتها وأصبح زوجي خالها ....

الله يوفقك ويكتب لك السعادهـ الدائمه
شدي حيلك وعاذرينك عالتأخير ..
ركزي بدراستك عسى الله يوفقك يارب
ولاحقـه علينا إن شاءالله ...
بالنسبة للطفلة فأكيد بإمكانك حضانة أي طفلة تختارينها من الدار يعني تروحين للدار
وتطلبين حضانة طفلة كأسرة بديلة طبعا يعني للأبد وهم يعرضون عليك البنات في السن اللي
تبغينه وتختارين منهم اللي ترتاحين لها أو تنجذبين لها وطبعا مصروفها ع الحكومة حتى لو كانت
تحت حضانتك الدار تصرف لها راتب شهري سواء بنت أو ولد وأتوقع ألفين ريال شهريا ...
وتكون معاك للأبد ولحد ماتتزوج وماتتدخل الدار إلا في حالة تعرضها للعنف أو الإهمال لكن ماتتدخل
لا بترتبيها ولا بدراستها ولا حتى بزواجها فكونك إنتي الأم خلاص تكونين إنتي المسؤولة عنها مسؤولية
تامة وفي حالة وفاتك لا سمح الله بإمكان أهلك إنهم يربونها أو أخواتك وإذا كانوا غير قادرين
على تربيتها بإمكانهم إرجاعها للدار ....
وفكرة الرضاعة حلوة دايما يسوونها فلما يآخذون ولد يخلون أخت الأم هي اللي ترضعه عشان تصير
الأم الحاضنة خالته ويكون محرم لها ولما يآخذون بنت يخلون أخت الزوج أو زوجة أخوه هي اللي
ترضعها عشان يصير الزوج خالها أو عمها ويكون محرم لها ...
اقتباس:
رزقكِ الله الصحة والعافية وأنار طريقكِ وبصيرتك بنور الإيمان والصلاح...
سؤالي هــــو ؟
بالنسبة للذي يسكن في مدينة ليس فيها دار لليتام .. وحاب انة يكفل طفل كفالة دائمــة ..
هل الدار تسمح لة بهذي الكفالة والا بترفض ؟؟؟ << مع ان المدينة تبعد حوالي 500 كيلو عن الرياض
اموووولة اتمني تتاكدين من هالشي لان الوالدة اللة يحفضها قرأت موضوعك وحابة تكفل طفل من الدار كفالة دائمة .

وربي يسعدكـ ويفرحك بقبولك في اختباراتك << ونشوفك مخلصة الدكتوراة

تقديري لك
هلا بك وحياك الله
بالنسبة لسؤالك فعادي إنكم تكفلون طفل من أي دار قريبة منكم
أذكر كان عندنا ولد كفلوه ناس مقيمين بمحافظة يعني هم عايشين
بمحافظة من محافظات الرياض وجوا لدارنا وكفلوا ولد كفالة دائمة طبعا يعني أسرة بديلة ...
حتى الحين فيه وحدة أسرتها الصديقة بس مو البديلة في الخرج وكل فترة يجون
ويآخذونها معاهم يعني مايمنع النظام هالشيء ...
ولكن لأطمئنك أكثر سأتأكد غدا إن شاء الله من إحدى الأخصائيات الاجتماعيات
وأرد لك خبر مؤكد بإذن الله ....
.................................................. ..................
اقترب العيد ولم يتبق سوى القليل
يمكنني التنبؤ مبكرا لما سيحدث في العيد
حقيقة لا أعلم إن كان العيد في الدار مثل العيد خارج الدار
لكن المؤكد أن عيد الدار لهذه السنة هو نفسه عيد الدار
قبل عشرين سنة لا شيء جديد سوى اختلاف بعض التفاصيل
ربما يستبدل عصير البرتقال بالمانجو وشوكولاتة باتشي بشكولاتة أوبرا
ربما تضاف بعض أصناف الطاعم وتختفي بعض الأصناف الأخرى ...
لكن الدار ستكون هي نفس الدار مع استبدال حلتها بحلة جديدة
فستزين جدارنها ببعض الزينات وسترص الكراسي والطاولات الخاصة بالبوفيه ...
قد تأتي بعض الأميرات لزيارتنا صباح العيد وأيضا بعض موظفات الإشراف ككل سنة
وينصرفون لزيارة دار أخرى ...
من تنام في آخر الليل ستستيقظ مبكرا من فجر العيد ومن لا تنام ستظل نهار العيد
بلا نوم وستذهب مجموعة لأداء صلاة العيد خاصة من تستحق الذهاب ومن لا يوجد
عليها أي ملاحظة أو شكوى من الموظفات وبالنسبة لي قد أذهب وقد لا أذهب ....
بعد الصلاة سنبدأ بالتجهيزات واللبس و.....الخ وبعد الانتهاء سنجتمع في الصالة
الكبيرة أو في قاعة الحفلات , سيكون معنا بعض الموظفات والمراقبات والأخصائيات
حتى وقت الإجازة الرسيمة الدار لا تخلو من الموظفات فغدا أول يوم في الإجازة
وستستمع بعض الموظفات بإجازتهن بينما بعضهن الأخريات سيأتين للدوام سواء
راضيات أو مجبرات ....
من تكون مناوبتهن في أول يوم من أيام العيد يأتين للدار عابسات والبعض الآخر محبطات
وبعضهن لا يرتدين ملابس العيد لأنهن يدخرنها لعيدهن خارج الدار وبعضهن مجاملة
لنا يدعين أنهن مسرورات ويشاركننا فرحة العيد لكنني لا أعتقد أن العيد معنا
أفضل منه مع أسرهن ....
سنجتمع في الصالة وسنجلس نستقبل الزائرات وهن نفسهن اللاتي يزرننا
كل سنة اعتدنا على وجودهن معنا وحين تتغيب إحداهن عن الحضور نفتقدها كثيرا ...
بعد حضورهن وانصرافهن السريع ينتهي النظام الذي كان يقيدنا في طريقة جلوسنا
وأكلنا وكلامنا وحتى ضحكنا ونعود لطبيعتنا ونفعل مايحلو لنا وهواة الرقص حتما
سيشغلون الاستريو ويرقصن والبعض سيكتفي بالمشاهدة فقط ...
في طفولتي كنت أعشق العيد ربما لأنه لم يكن هنالك شيئا ممنوعا
وربما كانت تغريني الحلويات والألعاب والهدايا وضوضاء العيد ...
لكن حاليا لم تعد تلك الأشياء تغريني ولم يعد للعيد ذلك المذاق الذي كنت أتذوقه
في طفولتي ....
اقتباس:
انا كنت حسأل عن اول يوم في العيد كيف حيكون ...
توقعت انه ستكون منافسات وسباقات وافراح وخرجاات ..
لم اتوقع ان العيد سيكون في نفس الدارر ...
يعنى اقل شي .. يكون هناك مهرجان كبير في كل دار ..
متااابعين
لا صباح العيد يكون في الدار وفيه زائرات من مركز
الإشراف ونجتمع بالصالة الكبيرة أو بقاعة الحفلات
حلويات وعصيرات وبوفيه مفتوح ويزينون الدار
وإذا بنسوي جو نشغل الاستريو ونرقص بس
باقي أيام العيد طبعا كلها رحلات وطلعات
نروح لاستراحات أو شاليهات أو نجتمع مع الدور الثانية
ونروح لمنتزهات أو مخيمات وملاهي ....الخ
المهم يكونون مسوين لنا جدول وكل يوم نروح لمكان
لمدة أسبوع تقريبا بعدين تبدأ استعدادات الدوام ...
اقتباس:
كل عام وانتي بخير امل وكل عام ومن دخل متصفحك بخير


اللحين امل ماتطلعون برى الدار يوم العيد يعني ماينظمون لكم طلعه جماعيه او انتي ليش ماتجتمعين مع صديقاتك اللى برى الدار او اللي طلعوا من الدار وتسون لكم جو ..؟او تقابلينهم فى اي مكان تتفقوا عليه ؟
وإنت بخير يارب
إلا نطلع في العيد بس مو صباح العيد
أحيانا نطلع في الليل وأحيانا نطلع اليوم الثاني
والثالث ....الخ
وأحيانا نجتمع مع باقي الدور في استراحة أو في دار ثانية ...
طبعا لما ابغى اروح مكان لازم إذن مسبق من الإدارة ومو مسموح أروح
لكل مكان أو أي مكان فيه أماكن يسمحون لنا نروح لها وأماكن لا
وموأي وقت نطلع يعني فيه أنظمة معينة بعدين وين نروح حتى المتزوجات
اللي برى الدار بعضهم يجون يعيدون معنا يقولون أحسن من إنهم يعيدون بلحالهم
وفيه كذا وحدة تجيب عيالها وتجي تعيد معنا في الدار ...
اقتباس:
من البدايه اتابعك واقول متى ارد ولكن ردي هالمره غير كل الاعضاء
تدرين ليش لان ((((((((((((((((( في بيتنا يتيم )))))))))))))))))))))يال
بقول قصتي بعد اذنك بأختصاااااااااااااااااااااااار
بالبدايه انا وحيدة امي وابوي وعندي اخوان من ابوي ابوي كبير بالسن وامي صغيره
وسبحان الله امي ماعاد جابت عيال من بعـــــــــــــــــــــــــــــدي
سبحااااااااااانالله مره من المراااااااات <<<<< اخلصي بس
كنا قاعدين نطالع مسلسل اللقيطه
فجأه دمعت عيني والتفت على امي وقلتلها يمه وشرايك نربي يتيم ونكسب ثواب من رب العالمين
قالت لا لا لا وين انا ودي بس وش بيقولون الناس <<<<<< للأسف هذي اغلبية السعوديين اللي مازالو يعيشون
بالجهـــــــــــل
بعد اقناع مني دام سنتين وانا الح بالموضوع قالت امي بتستخير واشوف المهم امي استاخرت والحمدلله
ارتاحت للموضوع بتضحكون على سالفتي انا وامي صدق كنا مانعرف شي
فيه بدائري الشرقي بالشفا برياض مكتوب لوحه اسمها ((((( الجمعيه الخيريه للأيتام ))))))))
وهذي للتبرعات قلت لامي يمه هذا مكان الايتام وبسرعه قلنا للسواق وقف جعلك الغبى <<<< الغبى من عندي لانه بالحيل غبي
نزلنا انا وامي ودخلنا مكتب وحده في الله امي دخلت بالموضوع دغري قالت ودي اتبنى يتيم <<<<<< وكم مره اقول لامي يايمه لاتقولين نتبنى يتيم حرااااااااااااااااااام بس مسيكينه ماتدري
ابتسمت الحرمه وقالت هذا مو عدنا هينا هدنا التبرعات بس
المهم مدري وين قالت روح لمكان بحي عليشــــــــه <<<<<<< افيد اللي يبي يربي يتيم ماذكرت الاماكن
الا للفائده
المهم امي راحت ولا مليون مره وانا رحت معاها مره سبحان الله حماااااااااااااااسي اللي كان من سنتين اشد الحمااس بدا يتلاشى ليش ؟؟؟؟؟؟؟
لان مواعيدهم الزفت قهرونا قسم بالله استغرب ياامووووول وشلون تقولين بسهوله الاسر البديله والله طفشونا
كل يوم موعد كل يوم مكان
الاجراءت اللي يسووونها كثيره وبعضها وربي مالها داعي ام الحاله
طبعاً جو شاف البيت حرمتين الله يقطع ابليسهم يتفلسفون والحمدلله بيتنا متواضع وابوي ولله الحمد
متقااااااااااااعد بس راتبه ماشاءلله اخاف اقوله وتجيكم سكته هع هع المهم يعني حالتنا الماديه كويسه
100/100
وبعدين اخذوا الموافقه مني ومن اخوي اللي من امي عايش عند جدتي نسيت اذكره وابوي ومني
واخذوا تحليل كامل وللدم يشفون فينا امراض واتوقع هذا افضل اجراء سووه
وقعدو شهور
وشهر ورء شهر ورء شهر
وسنه ورء سنه
بعد سنتين بالتماااااااااااااااااااااااام تم بحمد الله اقبال اجمل طفل شفته واغلى انسان بدنيتي الى الان
واحلى شي صادفتـــــــــــــــــه ((((((( طلولي )))))))))))) طبعا سألو امي عن لو ن البشره
قالت امي ابيض او وسط عادي بس مايكون شاذ لونه عنا
تخيلو لهدرجه بهالسنتين فقدنا الامل امي كل فتره تدق عليهم بس يقولون ماجانا اولاد وهم من جنبها
وحده تقولنا لازم واسطه عشان يستعجلون بالامر وفعلا جبنا واسطه الله يجزاه كل خير
واستعجلو بالامر
كنت بوقتها اول جامعه السمستر الثاني
المهم جيت للبيت الظهر
سألت ابوي عن امي قال راحت لمشوار سبحان الله مدري ليه حسيتها رايحه للدار
نغزني قلبي قلت ماراح انام الا اذا جت ودقيت عليها قالت بعد شوي بجي وانا بمشوار
زاد اصراري على انتظارها وانا فيني النووووووووووووم مره
وامي كل الوقت ذاك تروح مع خالي الله يسعده هو وقف معها بالبدايه للنهايه ملتزم ومتحمس للموضوع
دخلت امي البيت وبيده بيبي ملفوف بمهاد انا من بعيد ساكته وكأن جلطه برجلي جت
امي تقولي يا...... اسمي طبعا جبته هذا من الدار ركضت عند امي وانا اصيح مابعد شفت شكله
واصيح واخذه من امي واصيح واضمه لصدري وانا مابعد شفت وجهه وصحت وحالتي حاله
المهم قعدت ايام وايام وهو ماينزل من حضني اسمه طلال
يجنن ياناس بسم الله
عليه
وكبر طلال وكبرت المشاكل من حولنا يعني عمره الحين 2 سنه
بس من كبرالله يهديه وهو صااااير شقي لاابعد حد وابوي مايتحمله
وصار ابوي يقول انا ماابيه وانا اصيح وامي تقول اطلع من البيت انا وياه
ومشاكلنا ماتنتهي
ااااااخ بس دخلتكم بمشاكل بيتنا وانا كنت ابيكم تفرحون معي بوجود طلولي بحياتي
مليت من الاسئله الللي من جبناه وهي تنعاد مليون مره وش اسمه
؟؟؟؟؟
وش عائلته ؟؟؟؟؟؟
اهو لقيط اويتيم ؟؟؟؟؟؟؟
كيف خلوه اهله ؟؟؟؟؟؟؟؟؟؟
شكله مو سعودي هذا ابيض وحلو ملامحه ياسوري يامصري
وانا انهبل واكتم عبراتي جو عيوني ودمعاتي اللي اوشك على الانهيار
تخيلي يااموله مانروح مكان الا يسألونا هالسؤال 100 الف مره
مليت مليت مررررررررررررره رديت على مرت خالي قال يؤ ماخذينا لقيط ليش ماختو يتيم قلت انا
اللقيط مثل اليتيم كلهم فاقدين اهلهم وهو ش ذنبه طيب
وانا معصبه ارد عليها فسكتت وانثبرت
سبحااااااااااان الله ميزه بطلولي اي مكان نروحه منتزهات اماكن عامه اي شي الا الناس يحبونه
وهم مايدرون انه يتيم مافيه احد الا يضمه ويحبه مرررررررررررررررره مررره لدرجه يعني
تلفت الانظار مره وحده قالت في منتزه ياربيه ذا الولد حبيته حب مو طبيعي شي شدني له قالتلها
يمكن عشانه يتيم ماتمالكت نفسها وضمته ومسحت على راسه وبكت
مواقف كثيره بس مابي ازودها
ابوي يقهرني لدرجه انه ماعاد يتقبل طلال ابد ابدا ابدا ومايسميه الا اللقيط وانا انقهر وارد على ابوي عشانه
ااااااخ بس ماودي اكتب معاناتي
مميزة الهويـــــــــــه اتمنى مااكون خربت موضوعتس ولكن حبيت افيد بهالمشاركه بما اني من الاسر البديله
زواجي قرب بشهر 10 والله ماراح افقد بهالدنيا غير طلال وبس
بسألك سؤال معلييش
اليتيم متى الولد طبعا له الاحقيه انه يطلع من الاسره البديله ويبدء بتكوين نفسه ؟
نسيت اقول ك بخصوص شهادة الميلاد واوراقه ماطلع الاه الايام ومصروفه ماصروفه له الا بعد سنه ونص مدري ليه ؟؟؟؟؟؟
عندي سؤال انا مستغربه من الشرفات مايسألون عنه وفعلا انتي قلتي كذا تخيلي ماسالو عنه الامرتين مره بالبايه والمره
الثانيه يوم امي قالتلهم ليش ماتسألون عنه ؟؟؟؟؟؟؟
انا ودي اذا تزوجت اصير اسره صديقه بس مدري وين اروح بالظبط تكفين ارشديني ولك مني دعوه بأذن الله
احس انه بخلوني سنه هم نقلو مركزهم حق الاطفال الصغار بحي النفل الجديد صح اروح لهذا او وشلون
وش يطلبون مني ااو اوراق او شنو
وهل اذا قلت انا من الاسره البديله ممكن يحطوني من الاولويه للأسر الصديقه
بصراااااااااااااحه ياامل انا احب الايتام من كنت صغير ه وانا احب اكتب عنهم
احب هالفئه وافخر بأن اخوي طلال هو بعد لقيط لانه هو من يصنع لنفسه هويه بمستقبله وطموحااااااااااته وشغله
اشكرك امتعتينا بأسلوبك الرائع ووجودك الاروع
هلا خيتووووو
طبعا إنتي من الرياض والدار اللي أخذتوا منها أخوك في عليشة
دار الحضانة الاجتماعية فيها مواليد كثير وانتقلت للنفل قبل سنتين وحاليا
انتقلت للدرعية الجديدة قريب من جامعة الملك سعود للأولاد , وبعد فترة
بتنتقل لمبنى جديد قريب من الفيصلية اممممممممم وهي برضه فيها أسر صديقة
يعني تروحين لها نفسها أو تروحين للفلل اللي في الربوة لأنها جزء من دار الحضانة
يعني فرع ثاني لها بس ماني متأكدة إذا فيها مواليد أو لا اممممممممممم كثير
سنتين والله غريبة بس فعلا ترى بالواسطة فيه أطفال يوميا يجون وأغلبهم محجوزين
من قبل مايجون وفيه موظفات أول مايشوفون مولود جديد وشكله حلو على طول
يحجزونهم لناس من أقاربهم امممممممم مدري عن الإجراءات بالضبط بس والله فيه ناس
مايطولون مرة يعني كم شهر مو بالسنوات , وطبعا هم يعطون كل أسرة طفل حسب
لونهم يعني مايعطون ولد أسود لأسرة بيضاء أو العكس لازم يكونون من نفس الدرجة أو درجة
مقاربة بس مو شاذ عنهم امممممممم طلال كم عمره يوم أخذتوه وهذا اسمه الحقيقي
اللي من الدا <<<<< أكيد إني أعرفه بس ذكريني شكله وعمره يوم أخذتوه بالضبط ....
عاد الزيارة فعلا محد يزورهم فيه مشرفات المفروض يزورونهم باستمرار بس مايزورونهم إلا نادرا
واكتشفوا كذا حالة إهمال في أسر بديلة ومع هذا ما تغير شي حتى قبل كم شهر سحبوا
حضانة ولد من أسرة معروفة وفيه بنت بعد عند طقاقة تتربى ويقولون الطقاقة مادرستها ولا
دخلتها المدرسة بس معلمتها تكنس وتنظف وكارفتها في البيت امممممممممم أما متى يعتمد
على نفسه فمدري والله متى بالضبط لكن أتوقع فوق 18 سنة يبدون يسكنونهم بشقق ويعطونهم
سيارات ويدخلونهم الجامعة واللي يرفض يكمل دراسته يدورون له شغل ويبدون شوي شوي يستقلون
بس الا ستقلال التام عن الدار ومساعداتها يكون بعد الزواج لأن الدار تدفع المهر وتساعد في
البيت وتكاليف الزواج والقاعة و....الخ
عاد إذا بغيتي تروحين عشان تصيرين أسرة صديقة قولي لي عشان أعطيك وصف الدار الجديدة
وأرقامهم <<<< عشان سواقكم الغبي مايضيعكم خخخخخخخخخخخ
اممممممممممممم وأي سؤال أو استفسار أنا جاهزة وبالتوفيق لك يارب في زواجك
وحياتك القادمة ....
___________________

تدري وش اللي يجرح القلب جرحين
..................ويمد حبـل الحـزن فيـك ويشـدة

انك تناظر طفل مـن غيـر ابويـن
.................يمشي ودمعـة سايـل فـوق خـدة

منظر صعيب ويقسم القلـب قسميـن
................لا قـام يمسـح دمعـة بكـف يـدة

يمش ولا يدري طريقة علـى ويـن
...............لين التعب من كثـر مـا تـاه هـدة

اثقل حـروف يشيلهـا فيـة حرفيـن
...............لا أب يـدريـبـة ولا أم تـــردة

في خطوته رحلـة ودمعـة وسكيـن
................وحـظ توسـد بالمراسـي مـخـدة

جيت اسألـة بالله قللـي ولـد ميـن
...............وبغي يجاوب وختنـق صـوت ردة

أنـا يتيـم ومـا لدربـي عنـاويـن
...............وجزر الحزن فينـي يسـاوي لمـدة

وطعم الطفولة ما عرفته لهـا لحيـن
.............وثوب السعادة صـرت مانيـب قـدة

ابكي إلى من شفت غيـري سعيديـن
................ليـن البكـا فينـي يوصـل لحـدة

واقفي ورحت امسح دموعي من العين
...............وعيني تناظـر دمعتـه فـوق خـدة

وهذا اللي يجـرح القلـب جرحيـن
..............ويمد حبل الحـزن غصـب ويشـدة



"يتبع"