رد: اختكم من طالبات جامعه طيبة ممكن مسسساعدة
والله ياعزيزتي كليتنا ماهي رائعة جدا
وكرف جدا بس ماتوصل لإنه معظم المعدلات توصل ل2
وبالنسبة لأسئلة الإختبارات ماتجي سهلة جدا
وكله حسب المادة والدكتور
وفي بعض المواد ماتجي أسئلة مباشرة
وأنا بالنسبة لي كنت أتمنى نفس أمنيتك انه أرفع معدلي لأنه في التحضيري نزل
لكن صعب شوية انك ترفعيه
فإقتنعت إنه أهم شي الفهم وإني أكون راضية عن مستواي
لأنه حقيقة بعض البنات اللي معدلاتهم عالية مايكونوا فاهمين الحاسب بعمق
فماحتنفعهم درجاتهم !
>> هذا رأيي
أما على مسألة تحويلك لجامعتنا فأفضل إنك تكلمي أحد يدرس هناك في القسم يشرحلك الوضع بتفصيل أكثر
وتقولي إيش الشي اللي الهدف من تحويلك والشي اللي تبحثي عنه وتبغي تحولي عشانه فلو كان موجود حولي
والمعذرة ع الإطالة
|