[أبو فاتن]

المشاركة الأصلية كتبت بواسطة raul 7 يااااااااااااارب متى يدخل د.ابوفاتن ويشارككم بالموضوع من جد هذا الدكتور الي راح تستفيدون منه ....

ههههههههههههههههههههههههههههههههههههه
ههههههههههههههههههههههههههههههههههههه

هلابك يزيد .. ياأخي أنت مجرم .. تبي الدكتور أبو فاتن يشارك هاه ههههههههههههههه لأنك تعرف أني ماأقدر أقاوم إلا ألبي طلب الغالي راؤول يالبى قلبه

وأبشر هذا أنا جيت بس مشاركتي راح تكون فخرية أكثر من كونها فكرية إقناعية مشكلجية تعرف ليش ..؟
لأن أصل القاعدة المعرفية تقول : " الضرب بالميت حرام " وما نراه هنا اليوم في واقع منتدانا الكريم ماهو إلا ترفيس وتوطي في البطون لذلك آثرت السكوت الآن لتأتي بصمتنا في يوم من الأيام إن لم يتعدل الحال

عموما اللي أنا شايفه الحين إنه عضو واحد فاهم وتهمه مصلحة الطلاب بدون ما أحد يقدر يزايد على هالشي ( مواضيعة وطرحه وثقته بنفسه وعلمه وصدقه تشهد له ) جاء وحاس العالم حوس

( همسة للدكتور الغالي الراهب : تكفى طلبتك جيب معاك أثنين بس من حيث أتيت وطرزوا سمائنا بإبداعاتكم الفكرية والمعرفية والعلمية ليصمت الآخرون ولتكونوا لنا عوناً في إحقاق الحق ورفع رايته عالياً )

بلادي بلادي منار الهدى ... ومهد البطولة عبر المدى

يزيد وش تبيني أقول وأعيد وأزيد يايزيد ..؟ تابع بعينك وانت تعرف وين المشكلة وأنا أخوك خذ هذا المثال البسيط وأسمحوا لي بالإطالة لو كنت جنحت عن صلب الموضوع قليلاً
فيه صديق لي ذاك اليوم قاعد يشتكي لي يقولي تكفى يا أبو فاتن شوفلي حل عندي زوجتي لها أكثر من عشرين سنة وأنا أقولها لا يجيني الأكل قبل الخبز أبي الخبز أول وبعدين جيبي الأكل يقول ياأخي طفشت للحين وهي باقي تجيب الأكل قبل الخبز من عشرين سنة وهي على هالحالة وش أسوي وش أسوي ..! قلت له : أقتلها
عرفت وين المشكلة ..؟ المشكلة هي عدم الأكتراث وعدم الأحساس بالمسؤولية وعدم الفهم وتبلد للإحساس وتغليب المصلحة الشخصية على المصلحة العامة والإيمان والتسليم بعجز الآخر عن الإنتفاض ذات يوم وإصلاح ما أهمله الآخرون أو تخريب ما تعبوا لإصلاحه عرفت الحين ..؟ هذا مانراه حولنا

تابع ياملك الريال بعين القناص وأنظر من حولك في زاوية التسعين لترى هذا التردي الذي نعانيه

تابع مواضيع الراهب وأنت تعرف .. الرجل جاء وتكلم بكل أدب في مواضيعه وبأسلوب فكري ومعرفي راقي وطالب بوضع اليد على مكمن الخلل ولكن هل من مجيب ..!؟

العالم قامت وقعدت عشان مصلحة شخص واحد ,, طيب وينهم عن مصلحة أكثر من 400 - 500 - 700 طالب من 1180 طالب تقريباً عانوا من هالمادة هالترم حتى ولو كان العيب فيهم مايفهمون والأسئلة كانت صحيحة ولكنها وضعت بأسلوب التحدي والإستذكاء طيب ليه ..!؟ وعلى مين ..!؟ على طلاب همّ الأكثرية منهم تحسين مستواهم المعيشي وإن كان البعض منهم ماخذ الشهادة على سبيل الطموح ليس إلا والبعض الآخر ماخذها نوع من أنواع البرستيج الإجتماعي

ياعزيزي لاحظ نماذج الأجابات التي تم وضعها في المنتدى راح تلقى الأجابات كلها متقاربه لطالب في الشرق وآخر في الغرب وخاصة القيود ( سبحان الله على هذا التقارب والتوارد مشاء الله صدفه ) إلى ماذا يقود هالشي لأصحاب العقول اللي تبي تفهم ..؟
والله لايقود إلا لشيء واحد وهو أنه تم وضع الأسئلة بأسلوب الغطاء والمخادعة والتحدي طيب ليه يابابا ..!؟ أحنا مو في حرب حتى يتم التعامل مع طلاب الأنتساب بهالشكل وهم أساساً لا يحضرون ,, يعني فرد عضلات وبس ..؟ ويوم جاهم القوي صح بعد الله أخونا الراهب وإذا هم يهربون ..!!! أفردوا عضلاتكم عليه ألحين ورونا والا عشان ماعندنا أخو أكبر منا يكفخكم هذا هو جاكم خخخخخ

طالب هذا خامس ترم يحمل المادة ليه ..!؟
طيب خلنا نقول العيب فيه ومايفهم ياأخي فيه شيء أسمه الحس الأنساني لا يجيني أحد ألحين ويقولي لا لا لا هذي الأمانة التعلمية ,, أقوله الأمانة التعلمية أو العملية ليست بهذا الشكل ولا تنحصر في هذا الإطار فقط ولو نبي نفند الأمانة التعلمية راح يطول شرحها وراح نلقى فيها من القصور الشيء الكثير وخاصة من أعضاء هيئة التدريس إلا من رحم الله وهم قلة والشواهد كثيره لا ينكرها إلا جاهل ومقاطع التسجيلات الصوتية التي رصدت لأعضاء من هيئة التدريس وتجاوزاتهم أيضاً كثيرة وعلى أستعداد لوضعها هنا في المنتدى ليسمعها الجميع ( عجبي أن يكون المعدل : على حسب ميزانيتك يابني الله فيه إيه ) لايجب علينا أن نكون كالنعام نخفي رؤوسنا في التراب ,, علينا مواجة مشاكلنا وفضائحنا لكي نصل إلى حل



وأخيراً سيدي الكريم راؤول تم وضع مشاركة الدكتور أبو فاتن ولكن ما الفائدة ..؟
والله ماحولك أحد وأنا أخوك لغير تشوف الترم القادم مواضيع المحاسبة تفتح ويتهافت عليها الطلاب مثل الفراش اللي يتهافت على النار ظناً منهم بأنها القبس المنير وما يدرون بأنها محرقة الأبرياء بمباركة كريمة من الأدارة وهي تقف لا تتكلم ولن تتكلم



عموماً أتمنى قبل أن يتم الضغط على لوحة التحكم بحذف بعض المعرفات أن يتم أبلاغ المدير ناصر لربما يتدارك بعض مايمكن تداركه

مثل أمر القصاص لا يتم التوقيع عليه بالموافقة إلا بعد توقيع الملك شخصياً راعاه الله لأن الله سبحانه وتعالي أختص الملوك بأشياء لم يختص بها عامة الرعاة ومنها بعد النظر



تقبلوا تحياتي