رد: استفسار ..
وعليكم السلام و رحمة الله و بركاته
أول شيء لا تفقد الأمل إنتا ما تعرف كل إلي حولك كيف نسبهم عشان تحكم و بإذن الله تقدر :)
بالنسبه للتحويل تقدر طبعاً لكن الأفضل تدخل علوم
لأن على حسب علمي إن العلوم يكون التحويل من عندهم أسهل بحكم إنك تدرس في نفس المجال لكن الهندسه و الحاسب مختلفه تماماً
أما طريقة حساب النسبه الخاصه و العامه أنا أقولك
العامه هي عباره عن درجاتك في كل المواد قسمة 9 يعني ( رياضيات + فيزياء + كيمياء + أحياء + إحصاء + حاسب + مهارات اتصال + إنجليزي 1 + إنجليزي 2 ) ÷ 9
الخاصه للتخصصات الصحيه هيا عباره عن درجاتك في المواد إلي تهمك في التخصصات الصحيه قسمة 5 يعني ( فيزياء + كيمياء + أحياء + إنجليزي 1 + إنجليزي 2 ) ÷ 5
النسبه الخاصه لكل كليه صحيه تكون مختلفه مثلاً الصيدله 80 افتراضاً
يعني لازم تكون بعد ما حسبت النسبه بالطريقه إلي قلتلك عليها فوق نسبتك 80 و فوق
و طبعاً النسبه هذي سهل تجيبها لكن لا تنسى حيكون في مفاضله بين أحسن النسب
النسبه العامه هيا النسبه إلي يسووا عليها مفاضله بين الطلاب و يختاروا مين أعلى و مين يستحق يدخل القسم
إن شاء الله أكون جاوبت على أسئلتك
بالتوفيق ^ــ^
|