يسلمووو مرا شكرا ..مس شوكلت ..
أنا حابه العلاج مرا وان شاء الله احطو رغبه اولى ..بس بعد مافكرت خفت من حاجه ..
إلي هيا انو في العمل وبحكم الاحتكاك القوي مع المريض << ممكن الدكتور نفسو ماتتقبل المريض لسبب معين
خصوصا انو القسم بيعالج حالات خاصه وكبار سن ومجهود حركه المريض متركزه ع الدكتور ..<< إن شاء الله تكوني فهمتي قصدي..
والله ياخزامى مو مرة فاهمة قصدك بالزبك اذا قصدك مثلا الاحتكاك القريب ومثلا عشان الامراض طبعا في اشياء وقائية تاخديها او اذا قصدك ايضا الاحتكاك الكثير ومثلا اخلاق المريض تكون مش تمام فلازم تتعاملي مع كل طبقات واخلاقيات المجتمع وبرضو اذا قصدك اذا حاسة انو مجهود انك تعالجي مريض لوحدك طبعا تقدري تستعيني بمساعدة من افراد الستاف وياما اشتغلنا مع بعض واحيانا نطلب المساعدة من الرجال عشانهم اقوى
بس ماني قصدك حركة المريض متركزة على الدكتور !!!
حطيت 3 احتمالات من كلامك اللي فوق اذا كان صح ولا ياربت توضحي لي
والشي التاني الي فهمتو من كلامك ع الاختبارات النظريه انو فيها شرح ..وبالانجليزي شرح مفصل << حاستها شويا جديده علينا ....فكيف الوضع ...؟؟
شوفي مادام درستو سنة اولى بالانجيليزي يعني عديتو المرحلة الصعبة بعد كدا ما حقولك انك كل شئ حتفهمية حتحتاجي القاموس معاكي انا الين رابعة احيانا استخدمو عشان كدا اقولكم حاولو تزاكرو اول باول عشان تفهمو المصطلحات بعد تحفظو ووبالنسبة للشرح مو الشرح اللي مرة يعني اغلب الاسئلة تعداد تعاريف وممكن فقط سؤال واحد وماياخد كلام كتير
فركزي انك تفهمي في المحاضرة ايش الكلمات اللي بتنقال واكتيها في شيت المحاضرة يكون فهمها اسهل بعد اقرايها قراءة عامة تشوفي انك فاهمة ولا لأ
هيا سنة تانية اصعب عشان كلمات التخصص جديدة بعد كدا خلاص مررة حيسهل كل اصلا بعد كدا ما حتشرحو لبعض الا بالانجيليزي فلا تشيلي هم واذا مافهمتو اسالو الدكاترة في المحاضرة تراه عادي
وبس هدا الي عندي دحين ..
والله يعطيكي ألف ألف عااااافيه ..ماننحرم منك يارب ,,
:)