[D3is]

السلام عليكم ورحمة الله وبركاته

كيفكم إن شاء الله الجميع بخير وبصحه عافيه

كما تعلمون إن الايام هذي بدت الدورات التاهيليه لطلاب السنه التحضيريه

وتستمر لمده أسبوعين واليوم السبت أول يوم .. وأنا الحمدلله تمكنت من الحضور وزبطت وضعي

مع عملي .. ولم أنسى أخواني المنتسبين الي مايقدرون يحضرون لظروفهم

وأنا بحاول إن شاء الله في هذا الموضوع أني أقدم لكم بقدر المستطاع وش حصل بهالدوره ووش قالو والاشياء المهمه لعل وعسى أن أفيدكم لو بقليل

______________

بسم الله نبدأ ..
______________

يوم الجمعه طبعت إشعار حضور الدوره وكتب في الإشعار تقديم هذا الاشعار عند حضور الجامعه في مبنى 75 لاستلام الجدول

وطبعاً جدول خطه أ .. غير خطه ب

وأنا خطتي ب وكل الي بيستمرون معي في الموضوع لا يضيع وهو ماهو في خطتنا

أكرر :: أي واحد خطته أ ينقلع برى ولا الخيزران تلعب في جسمه ووجهه <<< مسوي أستاذ على غفله ..

وأستلمت الجدول وهذا الجدول

السبت :: أحصاء(للتخصصات النظريه) | تنمية مهارات التفكير

الاحد :: لغة أنجليزيه 1 ( أداب وأقتصاد ) | تحليلي أحصائي (1) | مهارات الاتصال

الاثنين :: أحصاء(للتخصصات النظريه) | تنمية مهارات التفكير

الثلاثاء :: لغة أنجليزيه 1 ( أداب وأقتصاد ) | تحليلي أحصائي (1) | مهارات الاتصال

الاربعاء :: أحصاء(للتخصصات النظريه) | تنمية مهارات التفكير

الخميس :: لغة أنجليزيه 1 ( أداب وأقتصاد ) | تحليلي أحصائي (1) | مهارات الاتصال

____________

وطبعاً اليوم السبت يعني أخذنا أحصاء و تنميه المهارات الفكريه
____________

المحاضرة الاولى : أحصاء لتخصصات النظريه

الدكتور مصري نسيت أسمه .. .. أعذروني وربي توني جاي من عندهم ومواصل وعندي عمل وجامعه اليوم ..

ماشاء الله عليه الدكتور هذا ارتحت له كثير .. وخفيف دم خلاني ماغير كل شوي أفطس ضحك طبعاً هو ماصدق لقاله واحد سبيكه يضحك له على كل شي ..

المهم

قالنا .. خذو كتاب مبادئ الاحصاء ( لتخصصات النظريه ) أحصاء 115

من مكتبه الخورازم العلميه

وبسم الله وقام يشرح ...ينطلق .. يتكلم عن الاحصاء وفوائد دراسته واهميته شي زي كذا

وطبعاً بتقولون الحين ليه ماتقول لنا وش قال .. بقولكم ليه أول شي أنه يتكلم بسرعه وتعرفون المصاريه ماشاء الله كلمه في كلمه .

تاني حاااقه << ماثر عليك المصري

الكلام كل الي بيقوله .. قاعد ينقله من الكتاب بس هو يشرح وش المكتوب في الكتاب

فهمتو علي !!

والاشياء المهم كتبها على السبوره .. وأبشركم طبعاً انا كتبت كل حاااقه الحمدلله

________

الأشياء المهمه الي كتبت على السبوره

______

الـــبــــــيـــــانـــات

تنقسم إلى قسمين هما :

1 ] نوعيه ( أسميه ) مثل الحاله الاجتماعيه , أسماء المدن
2 ] كميه أ ) منفصله 1 , 2 , 3 .... ( متغير يعد )
ب) متصله الدخل بين 1000 - 5000 ( متغير يقاس )

قـيـــاس البيــــانــات
1 ) مقياس أسمي (( نوعي )) مثل أسماء المدن , الحاله الاجتماعيه , الجنسيه
2 ) مقياس ترتيبي (( نوعي )) مثل التقديرات A و B والمراتب العلميه
3 ) مقياس فتره (( كمي )) مثل درجه الحراره
4 ) مقياس نسبي (( كمي )) مثل الاطوال والاوزان

الــعــيــنــات

1 ) عشوائيه بسيطه
2 ) متتاليه 5 , 15 , 25 , 35 , 45
3 ) عنقوديه أنظر الرسم في الصوره ..

4 ) طبقيه

###############

الاحصاء ----- > وصفي
------> أستدلالي

###############

قياس البيانات

##################

ملاحظات ,مسائل , دروس محذوفه من الكتاب , الامتحانات , .. الخ

##################

ملاحظه :: المطلوب أفهم التوزيع التكراري وليس مطلوب منك التحويل للتوزيع التكراري


المسائل صفحه 51 تحل أول 7 مسائل فقــط !!


الامتحان عباره عن اختيارات وصح وخطأ ومزاوجه .. مافيه كتابه أبداً

40 سؤال

مده الاختبار : 120 دقيقه

لاتنسى أحضار الاله الحاسبه

#################

المحذوف اليوم .. حذف لنا من الكتاب من صفحه 48 إلى صفحة 50

#################

ملاحظه : آخر صفحه أو صفحتين أو ثلاث أو اربع .. يوجد ملخص للقوانين وقال الدكتور أنه بيحذف القوانين بعدين وبناخذ المهم من القوانين

___________________


طفيــــــــــــــــــــــــــــت

يا جماعه وربي طفيت ..

اليوم دوامت العمل ورجعت الساعه 2 وبعدين مامداني أجلس وأتغدى الا أذن العصر وحركت وقسم مهلووك

بأخذ بررريك تااايم.. وبررجعلكم مع المحاضره الثانيه .. تنميه مهارات التفكير

عن أووووزنكووو..

أخوكم عبدالعزيز