رد: للبنت شرف فاين شرفك أيــهــا الــشــاب !! !! {دعوة للنقاش}
و كمان اللوم عالبنت , لازم تبحث عن الشخص اللي حترتبط فيه و لو عرفت انه صاحب علاقات سابقة و هي من النوع اللي تبغى ترتبط بشخص لم يكن له علاقات , لازم ترفض هذا الارتباط و تقول له بكل ثقة انت بدون شرف (اذا كان هو من الاشخاص الي يقولوا شرف البنت و البنت كاسة و اذا انكسرت ماتتصلح و الكلام البايخ هذا) فاذا هو صاحب علاقات و يرفض يرتبط بفتاة لها علاقات سابقة لازم هي ترفض ترتبط فيه ..
في بنات يقولوا عادي خلاص هو اختارني و تزوجني و حيبطل ..لكن لو انتي كنتي على علاقة قبلو يا ترى ردة فعلوا حتكون زيكـ ؟ و حيقول خلاص انا مالي صلاح بماضي البنت و اهم شي اننا تزوجنا و حنبني مستقبلنا ؟ لا طبعا حيرفض يرتبط بفتاة لها ماضي و المفروض الفتاة تعمل نفس الشي ترفض الارتباط بشخص له ماض ..
طبعا دا الكلام بالنسبة للبنت او الولد الي يفكروا بمنظور شرف و كوب و كاسة و حلاوة مغلفة ..
انا مو منهم لاني ما افكر كدا و اؤمن ان المستقبل بينهم اهم بكثير من ماضي الفتاة او الشاب اللي على وجه الارتباط...
|