[عزة نفسي_تكفيني]

المشاركة الأصلية كتبت بواسطة احساس الغروب! مشكورة يأخت عزة على المعلومات هذة .تصدقي انك عطيتيني أمل جديد بهذا الخبر من يوم ماتخرجت وانا اقدم على المستشفيات مايقبلوني اخذت دورات تدريبية مانفع.دورت على دبلوم تغذية علاجية مافية الأفي الدمام وماأقدر اروح ,وفي الرياض شروط تقهر (لنا الله) فكرت في التعليم عن بعد ودقيت على مصر واتفقت معاهم .بعدين أكتشفت ان هذا التعليم مو معتمد نسيت الموضوع,ودحين أفكر أدرس ماجستير قلت يمكن أتوظف بعدة ,يالله نأخذ التصنيف ودورة cpr وأرجع اقدم على وظيقة وفي نفس الوقت اقدم ماجستير.معليش حكيت قصة حياتي ,ومرة ثانية كل الشكر.

والله حبيبتي هالخبر كلناا فرحنااااا بيه وان شاءالله يااارب ابواب الخير تفتح بطريقناا

توكلي على الله وخذي التصنيف وكملي المااستر جدا رائع

موفقه

المشاركة الأصلية كتبت بواسطة ام السوس عزوزة مشكوره ع الخبر اسمحيلي اسئلك .. كيف تعرفين هالأخبار؟؟ بجد معلومات مهمه الكل لازم يعرفها يعني اذا الوحده ماتتواصل مع هالمنتدى كيف رح تعرف هالأخبار والمعلومات اللي متعلقه بتخصصناا؟؟؟ شكرا مره ثانية :) ودمتي بود

للأسف ان هذي المعلومات المفروض نفس الهيئة هي اللي تنشروا يعني اللحين نزلوا هالتصنيف ومحد دااري عنه حسبي الله عليهم

انااا كنت متواصله مع طلاب وطالبات من كلية الزراعه اللي هو نفس الموقع اللي اقتبست منه الأخت مجرد طموح هذا الخبر ... انا متاابعه معااهم من فترة طوييييييييله واول ماعرفت ان الموضوع وصل الخدمه المدنيه وانهم بيحاولوا مع وزارة الصحه .. اتصلت على نفس المسئول تبع الخدمه المدنيه واخذت منه المعلومات والله يجزاهـ خير مااقصر وكان باله طويل معاايه ..

وللأسف ان كاانت في شويه اموور مشربكه وقتهااا لكن قاال انه مستمر مع الوزارهـ وراح يحااول انه يدخلناااا ضمن التصنيف.. اخذت رقم وزارة الصحه المركز الرئيسي بالرياض وكمان بجدهـ واتصال يوميا وللأسف من غير جواب.. الى يوم لقيت بنت في احد المواقع نزلت خبر انها اخذت هذا التصنيف الجديد .. وطبعا اختكـ في الله اللي هي أنا على طوول رااسلتهااا لكن للأسف ماعاد دخلت ولقيت خبر من بنت ثاانيه كماان ورااسلتهااا وماادخلت وجلست ابحث عن معلومات من هنا وهنا وكمان كنت متواصله مع بنات الرياض اللي زيناا بالاقتصاد المنزلي ... ويوم لقيت نفس البنت في منتدى ثااني ومتصله الحمدلله رااسلتهاا ومااقصرت معاااياا جزاها الله خير وقالت لي كل المعلومات وطلعت متخرجه قبلي بسنه من نفس كليتنااااا .... وجبت منهاا كل الأخبااار ... وبشرتكم ^_^

المشاركة الأصلية كتبت بواسطة روعة طموح الف مبروك لنا وللكل طيب ياحلوين دحين اروح اخذ الدورة احد يعرف لو في موعد قريب لها اولا لو في موعد محدد اعطونا هو وبالنسبة للتصريح فين موقع الهيئة بجدة والا فهمتو من عزوزة انو المفروض اخذ التصريح من دحين طيب لو اخذته وبعدين حبيت اجدد لازم اختبر او لا بس مجرد تجديد وخلاص وشكراااا لكم

هلا حبيبتي..

ايه فيه مووعد للدورهـ مركز الدكتور أحمد الغاامدي يقيم الدورهـ كل يوم ثلاثاء وخميس وانا واختي كنا مسجلين يوم الخميس لكن مع المطر مااقدرناا نروح وكلمنااهم وأجلناها ليوم الثلاثااء << خيرهـ ان شاءالله

هذااا رقمهم

6575051 - 0599042338

اذا حابه تسجلي ليوم الثلاثاء معانا او الخميس زي مااتحبي

أي تصريح ماافهمت وش تقصدي.؟؟

اذا تقصدي التصنيف ايه بعد مااتااخذي شهادة الدورة رووحي قدمي ليش تنتظري خلاص احنا متخرجات ومن مصلحتناااا نقدم اللحين من غير تأخير لأن اذا اتأخرتي وماأخذتي التصنيف بعد التخرج أكثر من سنتين تنجبري على اختبار من هيئة التخصصات الصحيه اما اللحين من غير اختباااار التصنيف لأننا بكالريوس بنات الدبلوم هم اللي عندهم اختبار

وانت حرهـ اذا حابه صلاحية التصنيف 3 سنوات تدفعي 860 واذا حاباها 5 سنوات تدفعي 1100 <<< مباالغين في الأسعااار لكن الله كريم

بالتوفيق

المشاركة الأصلية كتبت بواسطة ام السوس ننتظر عزوزه يسعدها ربي ابدا عمرها ماقصرت مع احد الله يزرقها ع قد نيتها

اميين حبيبتي تسلمين والله

<< أحمرن خدودهاااا

المشاركة الأصلية كتبت بواسطة روعة طموح صادقة جزاها الله عنا كل خير وفتحها بوجهها

اميين ياااارب... تسلمي يالغلا وانت مااتقصرين فديتكـ

وياارب يفتحهاا عليناا كلناا ونااخذ التصنيف على خير .. كل ما يمر يوم وانا قلبي على يدي خاايفه من هيئة التخصصات الصحيه احس مالهاا أماان ان شاءالله كل القرارات تكون من أفضل لأفضل



اعتذر على التأخير في الرد كنت مشغووله ومااقدرت أدخل .. السموحه منكم ^_^